घरमालकांसाठी खूशखबर, सगळ्या घरांना एकसारखाच मेंन्टेनन्स? रिडेव्हलपमेंटसाठी किती कर्ज मिळणार?

मध्यमवर्गीय नोकरदारांना मोठं घर खरेदी करताना अनेकवेळा घराच्या देखभालीपोटी भराव्या लागणाऱ्या शुल्काचाही विचार करावा लागतो. मात्र आता तुमचं घर कितीही स्क्वेअर फूटचं असलं तरी तुम्हाला एकसारखा मेंन्टेनन्स सोसायटीला द्यावा लागणार आहे. सहकारी गृहनिर्माण संस्थांच्या नव्या नियमानुसार विविध क्षेत्रफळांच्या फ्लॅटसाठी एकसारख्या देखभाल शुल्काची तरतूद प्रस्तावित आहे.

राज्यातील मुंबई, ठाणे आणि पुणे जिल्ह्याच्या हाऊसिंग फेडरेशनची एक बैठक सहकार आयुक्त दिपक तावरे यांच्या उपस्थितीत पुण्यात पार पडली. त्यावेळी महाराष्ट्र सहकारी संस्था अधिनियम 1960 मधील कोणत्या मुद्द्यांवर चर्चा झाली? पाहूयात...

गृहनिर्माण संस्थेसंदर्भात नवे नियम?

गृहनिर्माण संस्थांमध्ये वेगवेगळ्या घरांसाठी समान देखभाल शुल्क आकारणी

ऑनलाईन बैठकांना कायदेशीर दर्जा मिळणार

सोसायटीचं नोंदणी शुल्क 2500 वरून 5000 रुपये होणार

खटल्यांची संख्या कमी करण्यासाठी वारसदार नियम सोपे करणार

पुनर्विकासासाठी सोसायटीच्या जमिनीच्या दहापट कर्ज मिळणार

नव्या नियमासंदर्भात हरकती आणि सूचना दाखल करण्याची मुदत 15 मेपर्यंत होती. त्यानंतर नुकत्याच पार पडलेल्या बैठकीतील अंतिम मसुदा राज्य शासनाला पाठवण्यात येणार आहे.

दरम्यान सहकारी गृहनिर्माण संस्थांच्या नव्या नियमांमुळे रिडेव्हलपमेंट, कर्ज मर्यादा, मेंटेनन्स दर यासंदर्भातील नियम आणि अटी सोप्या होणार का? याची उत्सुकता आहे....