Khandbara Railway Station : खांडबारा रेल्वे प्रशासनाने अतिक्रमित घर, दुकानांवर चालवला जेसीबी

- सागर निकवाडे

Nandurbar News :

नवापूर (navapur) तालुक्यातील खांडबारा येथील रेल्वे स्थानक (khandbara railway station) जवळ असलेला रेल्वे जागेतील अतिक्रमणांवर (encroachment) रेल्वे प्रशासनाने कारवाई केली. या ठिकाणची अतिक्रमित घरे, दुकाने जमीनदाेस्त केली. यावेळी स्थानिकांनी तीव्र विराेध केला. त्यामुळे काही काळ गाेंधळ निर्माण झाला. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

खांडबारा येथील रेल्वे स्थानक जवळ असलेल्या अतिक्रमित मालमत्तांवर कारवाई करण्यासाठी आलेल्या पथकाशी ग्रामस्थांनी हु्ज्जत घातली. त्यामुळे घटनास्थळी दाेन्हीकडून वादावादी सुरु झाली. यावेळी प्रशासनाने ग्रामस्थांना कायदेशिर प्रक्रियेत अडथळा आणू नये अन्यथा ठाेस कारवाई करु असा इशारा दिला.

रेल्वे प्रशासनाने दोन जेसीबीच्या साह्याने या ठिकाणी अतिक्रमित अनेक दुकाने व घर जमीनदोस्त केली. घटनास्थळी अनुचित प्रकार घडू नये यासाठी रेल्वे पोलीसांनी माेठा बंदोबस्त ठेवला हाेता. तसेच विसरवाडी पोलीस निरीक्षक प्रकाश झोडगे यांचे मार्गदर्शनाखाली विसरवाडी पोलीसांचा देखील बंदोबस्त होता.

Edited By : Siddharth Latkar