नागपूर शहरात सलग तीन दिवस भूकंपाच्या धक्क्याची नोंद, अफवांवर विश्वास ठेवू नका : भूगर्भ वैज्ञानिक सर्वेक्षण विभाग

- पराग ढाेबळे

नागपूर शहरात सलग तीन दिवस भूकंपाच्या धक्क्याची नोंद झाली आहे. दरम्यान भारतीय भु वैज्ञानिक सर्वेक्षण यानी हे धक्के सौम्य असल्याचे सांगून याचा कुठलाही विपरीत परिणाम होणार नसल्याचे स्पष्ट केले. नागरिकांनी घाबरु नये असे आवाहन देखील करण्यात आले आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

भूगर्भ विभागाचे राजेश जोशी साम टीव्हीशी बाेलताना म्हणाले नागपूर मध्ये जाणवलेले धक्के हे 2.5 च्या जवळच्या रिश्टर स्केल मधील आहे. याचा भूगर्भात कुठलाही परिणाम होणार नाही. साधारणत: 4.5 रिश्टर स्केल मधील भुकंप झाल्यास त्याचा परिणाम होताे असे जोशींनी स्पष्ट केले.

गेल्या तीन दिवसांपासून सातत्याने पारशिवणी उमरेड आणि आमगाव देवळी भिवगड दरम्यान भूकंपाचे धक्के नोंदवले गेले होते. हे धक्के साैम्य हाेते. नागरिकांनी काेणत्याही अफवांवर विश्वास ठेवू नये विशेषत: भूंकपाच्या असे आवाहन भूगर्भ वैज्ञानिक सर्वेक्षण विभागाने केले आहे. (Maharashtra News)

Edited By : Siddharth Latkar