Kolhapur: बिद्री साखर कारखान्याच्या मतमोजणीस प्रारंभ

- रणजीत माजगावकर

Kolhapur News :

कोल्हापूर जिल्ह्याचे लक्ष लागून राहिलेल्या कागल तालुक्यातील बिद्री येथील श्री दूधगंगा वेदगंगा सहकारी साखर कारखान्याच्या निवडणुकीसाठी (Dudhganga Vedganga Sahakari Sakhar Karkhana Election Result) 89.03 टक्के मतदान झाले. आज (मंगळवार) या निवडणुकीचा निकाल सायंकाळी स्पष्ट हाेणार असून कोल्हापुरातील मुस्कान लॉन परिसरात प्रत्यक्ष मतमोजणीला सुरुवात झाली आहे. (Maharashtra News)

श्री दूधगंगा वेदगंगा सहकारी साखर कारखान्याच्या निवडणुकीत एकूण 56 हजार 91 पैकी 49 हजार 940 मतदारांनी आपला मतदानाचा हक्क बजावला. किरकोळ वादावादीचे प्रकार वगळता 173 मतदान केंद्रावर सर्वत्र शांततेत मतदान पार पडले. आज सकाळपासून मतमाेजणीस प्रारंभ झाला आहे. एकूण 120 टेबलवर ही मतमोजणी होत असून या परिसरात पोलिसांनी मोठा बंदोबस्त तैनात केला आहे.

दोन्ही आघाडीचे ५० उमेदवार, शेतकरी संघटनेचे दोन आणि चार अपक्ष अशा 56 उमेदवारांचे भवितव्य मतदान पेटीत बंद झाले. दरम्यान आज (मंगळवार) मतमोजणीतून निकाल स्पष्ट होणार आहे. त्यामुळे सर्वच नेत्यांची प्रतिष्ठा पणाला लागली आहे. सायंकाळी उशीर पर्यंत मतमोजणी पूर्ण होवून निकाल स्पष्ट होईल

Edited By : Siddharth Latkar