Dombivali Crime: भावाला मारले म्हणून संतापलेल्या भावाने कुऱ्हाडीने घेत माजविली दहशत; डोंबिवलीमधील धक्कादायक घटना

अभिजित देशमुख 
डोंबिवली : भावाला मारलं म्हणून संतापलेल्या भावाने चक्क हातात कुऱ्हाड घेऊन रस्त्यावर दहशत माजवली. इतकेच नव्हे (Dombivali) तर येणाऱ्या रिक्षा अडवून चालकाला मारहाण केली व कुऱ्हाडीने रिक्षाची व मोटारसायकलींची तोडफोड केली. दरम्यान हातात कुऱ्हाड घेऊन फिरणाऱ्या तरुणाचा व्हिडिओ सोशल मीडियावर व्हायरल झाला असून विष्णुनगर (Police) पोलिसांनी त्याच्या विरोधात गुन्हा दाखल करत त्याला अटक केली आहे. (Latest Marathi News)

डोंबिवली पश्चिम नेमाडे गल्ली परिसरात ही घटना घडली असून  निलेश शिनगारे असे आरोपीचे नाव आहे. डोंबिवली पश्चिमेकडील जुनी डोंबिवली टेलकोसवाडी परिसरात राहणाऱ्या निलेश शीनगारे याच्या भावाला दोन ते तीन दिवसांपूर्वी (Crime News) परिसरातील काही तरुणांनी मारहाण केली होती. हे समजल्यानंतर निलेश संतापला. संतापलेल्या निलेश रात्रीच्या वेळी कुऱ्हाड घेऊन घराबाहेर पडला. काल मध्यरात्री दोनच्या सुमारा डोंबिवली पश्चिमेतील जुने डोंबिवली परिसरात दहशत दाखवण्यासाठी तो कुऱ्हाड घेऊन रस्त्यावर उतरला. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

मध्यरात्री कुऱ्हाड घेऊन रस्त्यावर 

भररस्त्यात त्याने रिक्षा थांबवून रिक्षा चालकांना मारहाण केली. यात एक रिक्षा तसेच एका बाईकचीही तोडफोड केली. घटनेची माहिती मिळताच तत्काळ विष्णूनगर पोलिसांनी घटनास्थळी धाव निलेशला अटक केली. याप्रकरणी विष्णूनगर पोलीस ठाण्यात गुन्हा दाखल करत पुढील तपास सुरू केला आहे.