Wardha Accident News : पुलगाव महामार्गावरील अपघातात दुचाकीस्वाराचा मृत्यू; कवठ्यात शाेककळा

- चेतन व्यास

Wardha News : वर्धा जिल्ह्याच्या पुलगाव येथील महामार्गावरील पेट्रोलपंप नजीकच्या वळणावर झालेल्या अपघातात (accident) एका दुचाकीस्वाराचा मृत्यू झाला. चालकास वळणावर दुचाकी अनियंत्रित झाल्याने हा अपघात झाल्याची प्राथमिक माहिती मिळाली आहे.

ज्ञानेश्वर बाळकृष्ण राऊत (वय 40) असं अपघातात मृत्यू झालेल्या दुचाकीस्वाराचे नाव आहे. ज्ञानेश्वर हे त्यांच्या कवठा रेल्वे (railway) येथील घरून कामावर जाण्यासाठी दुचाकीने निघाले हाेते. पुलगाव जवळील महामार्गवरील वळणावर त्यांची दुचाकी अनियंत्रित झाल्याने ते दुचाकीसह रस्त्याच्या कडेला पडले.

या अपघातात त्यांचा जागीच मृत्यू झाला. ज्ञानेश्वर हे चालक म्हणून काम करत हाेते. त्यांचा पूर्ण परिवार त्यांच्यावर अवलंबून होता. या घटनेमुळे कवठा गावात शोककळा पसरली आहे.

Edited By : Siddharth Latkar