Video : तू तुझ्या औकातित राहा ! ठाकरे गटाच्या खासदाराचा चढला पारा, भाजप आमदाराला दमबाजी; जिल्हाधिकारी अवाक

- कैलास चाैधरी

तु तूझ्या औकातित राहा असा दम खासदार ओमराजे निंबाळकर (omraje nimbalkar) यांनी आज आमदार राणा राणाजगजितसिंह पाटील (ranajagjitsinha patil) यांना देत जास्त बोलू नकोस, तुमचे संस्कार मला माहित आहेत असेही म्हटल्याने जिल्हाधिकारी कार्यालयात उपस्थित असलेल्या बैठकीत सर्वच अवाक झाले.

उस्मानाबाद (osmanabad) जिल्हाधिकारी कार्यालयात आज शिवसेना ठाकरे गट खासदार ओमराजे निंबाळकर व भाजप आमदार राणाजगजितसिंह पाटील यांच्यात हमरीतुमरी झाल्याचे पाहायला मिळाली. पाटील आणि निंबाळकर यांचे राजकीय हाडवैर पुन्हा एकदा जनतेच्या समाेर आले.

आज जिल्हाधिकारी कार्यालयात आज पीकविमा संदर्भात बैठक हाेती. ही बैठक घेण्यासाठी शेतकऱ्यांनी गोंधळ घालायला सुरुवात केली. दरम्यान भाजपा आमदार राणाजगजिसिंह पाटील हे इथे हजर होते.

काही वेळानंतर खासदार ओमराजे निंबाळकर हे पोहचले आणि मला बैठकीचा निरोप का दिला नाही असा जाब जिल्हाधिकारी यांना विचारला. यावेळी राणा जगजितसिंह पाटील यांनी बोलायला सुरुवात केली. यावेळी खासदारांचा पारा चढला. ते आमदार पाटलांना म्हणाले तु तूझ्या औकातित राहा. जास्त बोलू नकोस असा दम भरला. हा सर्व प्रकार जिल्हाधिकारी यांच्या समोर घडला. जिल्हाधिका-यांनी वाद वाढू नये यासाठी मध्यस्थी देखील केली.

Edited By : Siddharth Latkar