Phaltan: भाजप खासदारांवर आर्थिक फसवणूकीचा गुन्हा दाखल करा : आगवणेंचे मागणी

सातारा : भाजपचे (bjp) फलटण माढा लोकसभा मतदारसंघाचे खासदार रणजितसिंह नाईक- निंबाळकर (ranjitsinh naik nimbalkar) यांच्यावर गुन्हा दाखल करण्याच्या मागणीसाठी फलटण (phaltan) येथे दिगंबर आगवणे (digambar aagvane) यांनी आमरण उपोषण सुरू केले आहे. (phaltan latest marathi news)

स्वराज कारखाना व स्वराज पतसंस्थेच्या माध्यमातून खासदार रणजितसिंह नाईक निंबाळकर आणि त्यांच्या संचालक मंडळांनी वेळोवेळी खोटी बिले आणि पावती बनवून आर्थिक फसवणूक केलेली आहे. त्यांच्या विरोधात तालुक्यातील विविध नागरिकांनी माझ्याकडे सक्षम असे पुरावे आणून दिलेले आहेत. माझ्यासोबत तालुक्यातील अनेकांची खासदार रणजितसिंह नाईक निंबाळकर यांनी आर्थिक फसवणूक केलेली असून खासदार रणजितसिंह नाईक निंबाळकर यांच्यासह कारखाना आणि पतसंस्थेच्या संचालक मंडळावर गुन्हा दाखल करण्याची मागणी दिगंबर आगवणे यांनी प्रांताधिकारी डॉ. शिवाजी जगताप यांच्याकडे केलेली आहे.

दरम्यान दिगंबर आगवणे यांनी नाना पाटील चौक येथून बुधवारी (ता.२३) भीक मांगो आंदोलनाला प्रारंभ करत अमरण उपोषण आंदोलन सुरू केलं आहे.

Edited By : Siddharth Latkar