दुर्देवी..गाडीचे काम करत असताना अचानक गाडी सरकली पुढे; चालकाचा जागीच मृत्यू

निमगूळ (धुळे) : गाडीमध्‍ये खराबी झाल्‍याने स्‍वतःच दुरूस्‍त करावी; म्‍हणून चालक गाडीखाली शिरला. परंतु, दुर्देवाने अचानक गाडी पुढे सरकली. यामुळे खाली करत असलेल्‍या चालकाच्‍या डोक्‍यावर चाक गेले. यात त्‍याचा मृत्‍यू (Death) झाला. (dhule news While working on the car the car suddenly moved forward driver died)

चाऱ्याचे व्यापारी रविंद्र गुलाबराराव बागल यांच्यासह मुलगा पराग हे उसाच्या बांडीचा व्यवसाय करतात. रोजच्या व्यवसायात नेहमीप्रमाणे दोंडाईचा (Dondaicha) शिवारात चारा वाटप करण्यासाठी गेला असता गाडीत चारा टाकण्यासाठी गेला. दरम्‍यान 16 फेब्रुवारीला संध्याकाळी सात वाजता दोंडाईचा डाबरी शिवारात टेम्‍पो मालवाहू गाडी (क्र. एमएच ११, टी ५९३) उभी करून गाडीखाली काम करत होता. यावेळी अचानक गाडी पुढे (Accident) सरकली. त्यातच त्याचा डोक्याचा भाग गाडीच्या पुढच्या चाकात येऊन जागीच मृत्यू झाला.

ग्रामस्‍थांची धाव

घटना गावात कळल्यावर गावातील नंदलाल बागल माजी उपसरपंच दीपक बागल, जयवंतराव बागल, दीपक बागल यांच्यासह ग्रामस्थांनी धाव घेतली. गाडी उतारावर उभी केल्याने अपघात झाल्याचा प्रथमदर्शनी अंदाज व्यक्त करण्यात येत आहे. याबाबत दोंडाईचा पोलीस (Police) स्टेशनला खबर देण्यात आली पोलिसांनी घटनास्थळी भेट दिली. बागल यास उपजिल्हा रुग्णालयात दाखल करण्यात आले असता डॉ. अमोल भामरे यांनी त्याला मृत घोषित केले. पुढील तपास हवालदार चंद्रकांत साळुंखे करीत आहेत.