Dhule Crime News : तांब्याची वायर चोरी; चौघा चोरट्यांच्या मुद्देमालासकट आवळल्या मुसक्या

धुळे : साक्री तालुक्यातील निजामपूर पोलीस ठाण्याच्या हद्दीमध्ये कॉपर वायर चोरीच्या (Dhule) घटना झाल्या होत्या. तांब्याच्या वायरी चोरी करणाऱ्या चोरट्यांना (Police) पोलिसांनी मुद्देमालासह ताब्यात घेतले आहे. (Tajya Batmya)

साक्री तालुक्यातील निजामपूर परिसरात तांब्याच्या तारा चोरीच्या घटनांमध्ये मोठ्या प्रमाणात वाढ झाली होती. या अनुषंगाने निजामपूर पोलिसांनी तपासाची चक्रे फिरवली असता या संदर्भातील जवळपास सहा गुन्हे पोलिसांनी उघडकीस आणले आहेत. यामध्ये जवळपास चार आरोपींच्या निजामपूर पोलिसांनी मुसक्या आवळल्या आहेत. 

२ लाखापेक्षा अधिकचा मुद्देमाल जप्त 
पोलिसांनी या चौघा आरोपीकडून जवळपास २ लाख १५ हजार ८३२ रुपयांचा मुद्देमाल हस्तगत केला आहे. या चौघा आरोपीं विरोधामध्ये निजामपूर पोलीस ठाण्यात विविध कलमान्वये गुन्हा दाखल करण्यात आला असून, पुढील तपास निजामपूर पोलीस करीत आहेत.