Dhule News : बस चालकांच्या हलगर्जीपणामुळे शैक्षणिक नुकसान; विद्यार्थ्यांचे एसटी प्रशासनाविरोधात आंदोलन

धुळे : दोंडाईचा- चिमठाणा रस्त्यावर सावर्दे फाटा येथे एसटी महामंडळाच्या बसथांबा असताना देखील नंदुरबारकडून येणाऱ्या बस थांबविल्या जात नाही. यामुळे विद्यार्थ्यांना शाळेत जात येत नाही किंवा उशिराने पोहचत (Dhule) असतात. यामुळे संतप्त विद्यार्थ्यांनी एसटी महामंडळाविरोधात आंदोलन केले. (Live Marathi News)

एसटी प्रशासनातर्फे (St Bus) संबंधित ठिकाणी थांबा जाहीर केलेला आहे. असे असताना देखील एसटी बस चालकांनी संबंधित ठिकाणी बस न थांबवल्याने विद्यार्थ्यांना सकाळी सात वाजेपासून साडेनऊ वाजेपर्यंत थांबावे लागले. (Student) विद्यार्थ्यांना बस उपलब्ध न झाल्यामुळे शाळेत वेळेवर पोहोचता आले नाही. त्याचा फटका विद्यार्थ्यांना परीक्षेला उशिरा पोहोचल्यामुळे पेपर देता आला नाही. या विद्यार्थ्यांचे शैक्षणिक नुकसान झाल्यामुळे विद्यार्थ्यांनी संताप व्यक्त केला आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

बस चालकांकडून दररोज होत असलेल्या मनमानी सुरु असते. दरम्यान आज या विद्यार्थ्यांना परीक्षेला मुकावे लागले असल्यामुळे विद्यार्थ्यांनी एसटी प्रशासनाच्या विरोधात संताप व्यक्त करत एसटी डेपोमध्ये एसटी प्रशासनाच्या विरोधात आंदोलन केले आहे. दिलेल्या थांब्यावर बस थांबवावी याबाबत मागणी करण्यात आली.