धुळे : गुवाहाटी येथे जाऊन मंत्री एकनाथ शिंदे यांना समर्थन देणाऱ्या महिला आमदारांबाबत अपशब्द वापरलेल्या शिवसेना नेते संजय राऊत यांना धुळे जिल्ह्यातील साक्री मतदारसंघातील अपक्ष आमदार मंजुळा गावित (Manjula Gavit) यांनी उत्तर दिले आहे. खासदार संजय राऊत (Sanjay Raut) यांना त्‍यांच्‍या वक्‍तव्‍याचा पश्चाताप होईल; असे त्‍या म्‍हणाल्‍या. (Dhule News Sanjay Raut against Statement MLA manjula Gavit)
गेल्या काही दिवसांपासून सुरू असलेल्या राज्यातील नाट्यमय घडामोडीनंतर गुवाहाटी येथे गेलेल्या अपक्ष आमदार मंजुळा गावित आज जिल्ह्यातम परतल्या आहेत. ज्यावेळी गोवाहाटी येथे महिला आमदारांनी मंत्री एकनाथ शिंदे (Eknath Shinde) यांना समर्थन दिले. त्यावेळी शिवसेनेचे नेते व खासदार संजय राऊत यांनी महिलांवर खालच्या स्तराची टीका केली होती. या टिकेला आता (Sakri) साक्री मतदारसंघाचे अपक्ष आमदार मंजुळा गावित यांनी उत्तर दिले आहे. आगामी काळामध्ये (Shiv Sena) शिवसेनेचे नेते संजय राऊत यांनी महिला आमदारांसंदर्भात केलेल्या खालच्या स्तरावरील टिकेबाबत त्यांना निश्चितच पश्चाताप होईल; अशी भावना गुवाहाटी येथून धुळ्यात परतलेल्या अपक्ष आमदार मंजुळा गावित यांनी व्यक्त केली आहे.