Dhule Crime: नऊ दुचाकीसह चोरी करणारी टोळी ताब्यात; धुळे एलसीबीची कारवाई

धुळे : शहर व परिसरात दुचाकी चोरीच्या घटना घडल्या होत्या. याचा शोध पोलिसांकडून सुरु होता. या (Dhule) दरम्यान स्थानिक गुन्हे अन्वेषण विभागाच्या पथकाने (Police) दुचाकी चोरी करणाऱ्या तिघा चोरट्यांच्या मुसक्या आवळत त्यांच्याकडून चोरलेल्या नऊ बाईक देखील हस्तगत केल्या आहेत. (Tajya Batmya)

धुळे शहरापासून काही अंतरावर असलेल्या गुरुद्वारा परिसरामध्ये पुलाखाली काही संशयित चोरटे हे काही दुचाकीसह उभे असल्याची माहिती स्थानिक गुन्हे अन्वेषण विभागाच्या पथकास मिळाली होती. या अनुषंगाने स्थानिक गुन्हे अन्वेषण विभागाच्या वरिष्ठ अधिकाऱ्यांनी पथक घटनास्थळी पाठवले असता, त्या ठिकाणी तिघा चोरट्यांना पोलिसांनी ताब्यात घेत त्यांची कसून चौकशी केली. त्यांनी नऊ दुचाकी चोरून (Bike Theft) त्यांच्या ताब्यात ठेवल्या असल्याचे त्यांनी पोलीस तपासात कबूल केले. या संदर्भात पोलिसांनी त्यांना ताब्यात घेतले असून त्यांच्याकडील नऊ दुचाकी देखील पोलिसांनी ताब्यात घेतल्या आहेत. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

पोलिसांनी ताब्यात घेतलेल्या या तिघा आरोपींपैकी दोघ आरोपी हे विधी संघर्षित बालक असून या तिघा जणांनी मिळून या नऊ दुचाकी बाहेरील राज्यासह इतर जिल्ह्यांमधून चोरल्या असल्याची माहिती पोलीस तपासात उघडकीस आली आहे. तसेच या चोरट्यांचा आणखी काही गुन्ह्यांमध्ये सहभाग आहे का? याचा पुढील तपास स्थानिक गुन्हे अन्वेषण विभागातर्फे करण्यात येत आहे.