Dhule News: आंतरराज्य सीमांवर नाकाबंदी; गुजरातमधील निवडणुकीच्या पार्श्वभूमीवर तपासणी

धुळे : गुजरात विधानसभा निवडणुकीच्या पार्श्वभूमीवर जिल्हा पोलिस प्रशासनाने जिल्ह्यातील चारही आंतरराज्य सीमांवर नाकाबंदी केली आहे. पोलिस अधीक्षक संजय बारकुंड यांनी स्वतः पिंपळनेर पोलिस (Police) हद्दीतील एका नाक्यावर जाऊन बंदोबस्ताची पाहणी केली. दरम्यान, पोलिसांनी तपासणी मोहिमेत दारू, गांजा, गावठी कट्टाही जप्त केला आहे. (Maharashtra News)

गुजरात (Gujrat) निवडणुकीच्या पार्श्वभूमीवर गुजरातला जोडणाऱ्या जिल्ह्याच्या सीमांवर कसून तपासणी करण्यात येत आहे. गुजरातमधील ३९ संशयित जिल्ह्यात (Dhule News) आल्याची माहिती मिळाल्यानंतर जिल्हा पोलिस (Dhule Police) सतर्क झाले आहे. जिल्हा पोलिसांनी गुजरातमधील चार वॉन्टेड आरोपींना ताब्यातही घेतले आहे. तपासणी मोहिमेत पोलिसांनी अडीच लाख रुपये किमतीची दारू, गांजा, गावठी कट्टा जप्त केला. याप्रकरणी संशयितांविरुद्ध कारवाई करण्यात येत आहे. दरम्यान, जिल्हा पोलिसांनी आत्तापर्यंत १६३ संशयितांवर प्रतिबंधात्मक कारवाई केली आहे.

पोलिसांची चोवीस तास नजर

गुजरातला जोडणाऱ्या पिंपळनेर (ता. साक्री) लगतच्या ओटाबारी, झाकराबारी व मोहळगाव या तीन तसेच बिजासन घाट (ता. शिरपूर) या सीमांवर पोलिसांनी नाकाबंदी केली आहे. या भागातून जाणाऱ्या वाहनांची कसून तपासणी करण्यात येत आहे. गुजरामधील मतदारांना भुलविण्यासाठी सीमांवरून दारू, मादक पदार्थ, अवैध शस्त्र तसेच रोकड ने-आण होऊ शकते अशी शक्यता लक्षात घेऊन जिल्हा पोलिस सीमांवर चोवीस तास नजर ठेवून आहेत. स्वतः पोलिस अधीक्षक बारकुंड यांनी शनिवारी (ता.२६) पिंपळनेरच्या सीमा नाक्यावर जाऊन पाहणी केली.