Gautami Patil Father: गौतमी पाटीलचे वडील आढळले दयनीय अवस्थेत; रस्त्याच्या कडेला पडले होते बेशुद्धावस्थेत

धुळे : गौतमी पाटीलचे वडील रवींद्र बाबुराव पाटील हे धुळे शहरापासून काही किलोमीटर अंतरावर असलेल्या सुरत बायपास रस्त्यावर बेशुद्ध अवस्थेत आढळून आले. सामाजिक कार्यकर्त्यांना ते अत्यंत दयनीय अवस्थेमध्ये आढळून आल्याने त्यांना रुग्णालयात दाखल करण्यात आले आहे. (Breaking Marathi News)

सुरत बायपास रस्त्यावर अज्ञात व्यक्ती मृताअवस्थेत पडलेला असल्याची माहिती सामाजिक कार्यकर्त्यांना मिळाली. या माहितीवरून सामाजिक कार्यकर्ते सदर व्यक्ती जवळ पोहोचले. त्यांना हळुवार श्वास सुरू असल्याचे दिसून आले. त्यांनी तात्काळ या व्यक्तीस शासकीय रुग्णालयामध्ये उपचारासाठी दाखल केले आहे. परंतु ही व्यक्ती कोण? याबाबत कुठलीही माहिती न घेता या सामाजिक कार्यकर्त्यांनी त्यांना थेट शासकीय हिरे वैद्यकीय रुग्णालयात उपचारासाठी दाखल केले. 

सोशल मीडियावर फोटो सेंड केल्यानंतर पटली ओळख 

त्यानंतर सदर व्यक्ती कोण यासंदर्भात माहिती घेण्यासाठी या सामाजिक कार्यकर्त्यांनी सोशल मीडियावर फोटो व पोस्ट व्हायरल केला असता त्यानंतर संबंधित व्यक्ती हे गौतमी पाटीलचे वडील असल्याचे समोर आले. गौतमी पाटीलच्या वडिलांची अशी दयनीय अवस्था समजल्यानंतर एकच खळबळ उडाली. त्यांना शासकीय रुग्णालयामध्ये उपचारासाठी दाखल करण्यात आले असून त्यांच्यावर हिरे वैद्यकीय शासकीय रुग्णालयामध्ये उपचार सुरू आहेत.