Dhule News : झोपडीला अचानक आग; भावासह बहिणीचा होरपळून मृत्यू

धुळे : धुळे तालुक्यातील लोणखेडी येथे घराला अचानक आग लागली. या  घटनेत घरात असलेल्या भावासह बहिणीचा होरपळून (Death) मृत्यू झाला. याप्रकरणी (Dhule) धुळे तालुका पोलिस ठाण्यात नोंद झाली. आगीचे कारण समजू शकले नाही. (Latest Marathi News)

धुळे तालुक्यातील लोणखेडी या गावात नाना पवार हे परिवारासह एका झोपडीत वास्तव्यास आहेत. शेतमजुरी करून परिवार आपला उदरनिर्वाह करत होता. दरम्यान शेतीच्या कामासाठी परिवार घराबाहेर होता. यावेळी झोपडीत नाना पवार यांचा मुलगा अमोल पवार (वय ७) आणि रिना पवार (वय ४) हे भाऊ- बहीण खेळत होते. तर त्यांची आजी सताबाई जनावरांना पाणी पाजण्यासाठी गेल्या होत्या. जनावरांना पाणी पाजल्यानंतर त्या झोपडीकडे आल्या असता, त्यांना झोपडीला आग (fire) लागल्याचे दिसले. त्यांनी आरडाओरड केली. झोपडीत माझी नातवंडे असल्याचे त्यांनी सांगितले.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

मुले मदतीला धावली पण.. 
आरडाओरडा ऐकून क्रिकेट खेळणारी मुले घटनास्थळी धावली. मात्र, आग विझविण्यासाठी त्यांच्याकडे कोणत्याही प्रकारची साधने नव्हते. यामुळे आगीत झोपडी काही क्षणात जळून खाक झाली. आगीचा ढिगारा बाजूला केल्यानंतर अमोल व रिना या दोघांना बाहेर काढले. ते आगीमुळे ते दोघेही भाजले गेले होते. त्यांना तातडीने जिल्हा शासकीय रुग्णालयात दाखल केले असता, डॉक्टरांनी दोघांना मृत घोषित केले. याप्रकरणी धुळे तालुका (Police) पोलिस ठाण्यात आकस्मिक मृत्यूची नोंद झाली.