Dhule Corporation News: बदली सफाई कर्मचाऱ्यांना सेवेत घ्या; महिला सफाई कर्मचारी मंचतर्फे निदर्शने

धुळे : महापालिकेत कार्यरत असलेले बदली सफाई कर्मचाऱ्यांना कायम स्वरूपी सेवेत सामावून घ्यावे; या मागणीसाठी धुळे महापालिकेच्या (Dhule Corporation) बाहेर महाराष्ट्र राज्य महिला सफाई कर्मचारी मंचतर्फे निदर्शने करण्यात आले. यावेळी पालिका प्रशासनाविरोधात जोरदार घोषणाबाजी देखील करण्यात आली आहे. (Tajya Batmya)

महाराष्ट्र राज्य महिला सफाई कर्मचारी मंच धुळे या संघटनेच्यावतीने महापालिका प्रशासनाला निवेदन देत जोरदार घोषणाबाजी करीत संताप व्यक्त करण्यात आला. बदली सफाई कर्मचारी गेल्या वीस ते पंचवीस वर्षापासून धुळे महानगरपालिकेत कार्यरत आहे. या बदली सफाई कर्मचाऱ्यांना कायम सेवेत समावून घेण्यात यावे आणि त्यांची नेमणूक लवकरात लवकर करावी. या आशयाचे निवेदन धुळे महानगरपालिका प्रशासनाला देण्यात आले आहे.

तर २६ जानेवारीपासून बेमुदत उपोषण

बदली सफाई कर्मचाऱ्यांबाबत निर्णय तसेच लवकरात लवकर मागण्या मान्य न झाल्यास येत्या २६ जानेवारीला संघटनेच्या वतीने बेमुदत अमरण उपोषण करण्याच्या इशारा देखील यावेळी देण्यात आला आहे.