नागपूर : हॉटेल चालक आणि जमिन मालक यांच्यामध्ये मध्यस्थी करून देण्याच्या नावाखाली फसवणूक (fraud) करणाऱ्या हरीश रंगूनवाला आणि त्याच्या साथीदाराला अटक केली. मध्यस्थी करत असताना झालेल्या देवाण-घेवाणीचे पैसे घेऊन रंगूनवाला पळाला होता. मात्र पोलिसांनी (Police) त्याला बेड्या ठोकल्या. (Live Marathi News)
नागपूर शहरातील एका हॉटेल चालकाचा आणि जमीन मालकाचा वाद सुरू होता. या संदर्भात कोर्टामध्ये केस सुद्धा सुरू होती. दरम्‍यान हरीश रंगूनवाला हा त्यांच्यामध्ये मध्यस्थी करण्यासाठी गेला. जवळपास 44 लाखांमध्ये मध्यस्थी करत तोडगा काढण्यात आला. मात्र हॉटेल चालकाने दिलेले 44 लाख घेऊन रंगूनवाला पळून गेला.
मध्यस्थी विरोधात दुसरीही तक्रार
हॉटेल चालकाच्या तक्रारीवरून रंगूनवाला याला पकडण्यात आले. त्यातील काही रक्कम हस्तगत सुद्धा करण्यात आली. मात्र हॉटेलचा सामान हा रंगूनवाला द्यायला तयार नव्हता. यावरून पोलिसात आणखी तक्रार करण्यात आली आणि पोलिसांनी रंगूनवाला आणि त्याच्या साथीदाराला अटक केली. रंगूनवाला हा शहरातील प्रतिष्ठित असल्याचे बोलले जात आहे. मात्र त्याचे कारणामे बघितले तर तो फसवणूक करणारा असल्याचे समोर येताना दिसते आहे. रंगूनवाला याच्या विरोधात फसवणुकीच्या आणखी काही तक्रारी असल्याचे सुद्धा पुढे येत आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
