Dharashiv : गावाजवळील तलावात पोहण्यासाठी गेले; परराज्यातील दोन तरुणांचा बुडून मृत्यू

बालाजी सुरवसे 

धाराशिव : कामानिमित्ताने परराज्यातील काही तरुण तळजापूर तालुक्यात आले होते. यावेळी ते गावाजवळील साठवण तलावात पोहण्यासाठी गेले होते. मात्र पोहत असताना या दोन तरुणांचा तलावात बुडून मृत्यू झाल्याची घटना घडली आहे. दोघांचा मृतदेह बाहेर काढण्यात आला असून या प्रकरणी पोलिसात नोंद करण्यात आली आहे. 

धाराशिवच्या तुळजापूर तालुक्यातील पांगरदरवाडी येथे तलावात पोहण्यासाठी गेलेल्या परराज्यातील दोन तरुणांचा पाण्यात बुडून मृत्यू झाल्याची घटना घडलीय. राजेश रमेश विश्वकर्मा (रा.मध्य प्रदेश) व अखिलेश दयाशंकर गुप्ता (रा. उत्तर प्रदेश) अशी मृत झालेल्या तरुणांची नावे आहेत. या दोघा तरुणांच्या मृत्यूने परिसरात खळबळ उडाली असून कुटुंबियांना या प्रकरणी माहिती देण्यात आली आहे. 

पाण्याचा अंदाज न आल्याने बुडाले 

तुळजापूर तालुक्यातील पांगरदरवाडी येथिल साठवण तलाव येथे इलेक्ट्रिक सबस्टेशनचे काम सुरु असून त्या कामासाठी बाहेर राज्यातून काही मजूर येथे कामासाठी आलेले आहेत. त्यातीलच राजेश विश्वकर्मा व अखिलेश गुप्ता हे दोन तरुण पोहण्यासाठी तलावात गेले होते. पोहत असताना त्यांना तलावाच्या पाण्याचा अंदाज न आल्याने त्यांना बाहेर निघता आले असून पाण्यात बुडून मृत्यू झाले. सदर घटनेची नोंद तमालवाडी पोलीस स्टेशनमध्ये करण्यात आली आहे.

ट्रकवरील नियंत्रण सुटल्याने ट्रक डिव्हायडरवर लटकला
वाशीम : वाशिमच्या मेडशीजवळ कापसाच्या गठणी घेऊन जाणाऱ्या ट्रकवरील चालकाचे नियंत्रण सुटल्याने ट्रक थेट पुलाच्या डिव्हायडर वर चढत अपघात झाल्याचे घटना घडली आहे. सुदैवाने या अपघातात ट्रक डिव्हायडरला लटकल्याने ट्रकची नुकसान झाले. मात्र ट्रक मधील चालक आणि क्लीनर यात सुखरूप बचावले. हा ट्रक हैद्राबाद वरून गुजरातला कापसाच्या गठानी घेऊन जात होता.