Dharashiv Crime : दुचाकीवरून येत महिलेचे मंगळसुत्र लांबवीले; धाराशिवमधील घटना, चोरटा सिसिटिव्ही कॅमेऱ्यात कैद

बालाजी सुरवसे 

धाराशिव : धाराशिव शहरातील गांधीनगर भागात एका महीलेच्या गळ्यातील मंगळसूत्र चोरीचा प्रकार समोर आला आहे. चोरीची घटना सिसिटिव्ही कॅमेऱ्यात कैद झाली आहे. चालत्या गाडीवरुन मंगळसूत्र चोरून चोरटा पसार झाला आहे. अशा अनेक घटना घडत असल्याने या भागात दहशत निर्माण झाली आहे. 

धाराशिवमधील (Dharashiv News) साधना धाबेकर ही महीला लग्नासाठी स्कुटीवरुन जात होती. गांधीनगर भागातून जात दुचाकीवरून आलेल्या दोघांनी महिलेच्या गळ्यातील २० ग्रॅमचे सोन्याचे मंगळसुत्र चोरट्याने तोडून पोबारा केला  अचानक घडलेल्या या प्रकाराने महिला घाबरून गेली. तिने आरडाओरड केल्यानंतर परिसरातील नागरिक जमा झाले होते. मात्र तोपर्यंत दुचाकीवरील चोरटे पसार झाले होते. यानंतर सदर महिलेले पोलिसात याबाबत तक्रार नोंदविली होती. 

दरम्यान महिलेच्या गळ्यातून मंगळसूत्र चोरुन नेल्याचा हा सगळा प्रकार (CCTV) सिसिटिव्ही कॅमेऱ्यात कैद झाला असुन दिवसा ढवळ्या या घटना होत असल्याने नागरीकांत भितीचे वातावरण निर्माण झाले आहे. या वाढत्या घटनांकडे (Police) पोलिसांचे माञ साफ दुर्लक्ष होत असल्याच्या प्रतिक्रिया परिसरातून समोर आल्या. त्यामूळे पोलीस या चोरट्यांच्या मुसक्या कधी आवळणार असा प्रश्‍न  नागरीकांतुन उपस्थित केला आहे.