Online Fraud : बँक खाते हॅक करत २४ लाख रुपये लंपास; खाते अपडेटिंगच्या बहाण्याने दूध डेअरी चेअरमनची फसवणूक

Dharashiv News : धाराशिवच्या भूम तालुक्यातील जेजला गावातील येडेश्वरी दूध डेअरीचे चेअरमन तानाजी दत्तु भोसले यांची सदर प्रकरणात फसवणूक झाली आहे. भोसले यांना बँक खाते अपडेटसाठी फ्रॉड कॉल आला
Online Fraud
Online FraudSaam tv
Published On

बालाजी सुरवसे 
धाराशिव
: ऑनलाईन फसवणुकीचे प्रकार दिवसेंदिवस वाढले आहेत. त्यानुसार धाराशिव जिल्ह्यातील एका दूध डेअरीच्या चेअरमनला गंडविण्यात आले आहे. त्यांचे बँक खाते अपडेट करण्याचे सांगत खाते हॅक करण्यात आले होते. यानंतर हॅकरने त्यांच्या खात्यातून तब्बल २४ लाख ४७ हजार रुपये इतकी रक्कम ऑनलाईन काढून घेतल्याचा प्रकार समोर आला आहे. 

धाराशिवच्या भूम तालुक्यातील जेजला गावातील येडेश्वरी दूध डेअरीचे चेअरमन तानाजी दत्तु भोसले यांची सदर प्रकरणात फसवणूक झाली आहे. भोसले यांना बँक खाते अपडेटसाठी फ्रॉड कॉल आला. यात समोरच्या बोलणाऱ्या व्यक्तीने आपण बँकेचे प्रतिनिधी असल्याचे सांगून बँक खाते अपडेट करण्याचे सांगितले. याकरिता भोसले यांच्याकडून आधार कार्ड आणि पॅन कार्डची माहिती घेतली. 

Online Fraud
Nagpur Crime : एटीएम मशीन घेऊन चोरटे पसार; नागपूरच्या मानकापूर परिसरातील पहाटेची घटना

फाईल डाउनलोड करताच बँक खाते हॅक 

यानंतर व्हॉट्सॲप वरून बँकेची एक फाईल पाठवून ती मोबाईलमध्ये डाउनलोड करण्यास सांगितले. त्यानुसार भोसले यांनी सदरची फाईल इन्स्टॉल करताच त्यांचे बँक खाते हॅक करण्यात आले होते. यानंतर त्यांच्या भोसले यांना काही कळण्याच्या आतच सायबर चोरट्यानी येडेश्वरी दूध डेअरीच्या बँक खात्यातून तब्बल २४ लाख ४७ हजार रुपये ऑनलाइन काढून खाते रिकामे करण्यात आले. 

Online Fraud
Jalna : पाण्यासाठी वणवण; जालन्यातील नानेगाव महिलांचा जिल्हाधिकारी कार्यालयात हंडा मोर्चा

दूध उत्पादक शेतकऱ्यांचे पेमेंट अडकले 

दरम्यान फसवणुक झाल्याचे लक्षात येताच भोसले यांनी तातडीने धाराशिव सायबर पोलीस ठाण्यात तक्रार दाखल केली. या प्रकरणी सायबर पोलीस पुढील तपास करत आहेत. मात्र दूध उत्पादक शेतकऱ्यांचे थकलेले दुधाचे पेमेंट द्यायचं कसं हा प्रश्न आता ऑनलाइन फसवणुकीमुळे चेअरमन भोसले यांच्यापुढे पुढे निर्माण झाला असून दूध उत्पादक शेतकरी चांगलेच अडचणीत सापडले आहेत.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com