भिगवणजवळ सोलापूर-पुणे महामार्गावर अपघात
धनंजय सावंत यांच्या फॉर्च्युनरला कंटेनरची धडक
गाडीचे मोठे नुकसान, पण जीवितहानी टळली
पुत्र, चालक व सुरक्षारक्षक किरकोळ जखमी
भाजप प्रवेश कार्यक्रमावरून परतताना घटना
Dharashiv Dhananjay Sawant Accident News : धाराशिवमधून मोठी बातमी समोर आली आहे. माजी मंत्री आमदार तानाजी सावंत यांचे पुतणे धाराशिव जिल्हा परिषदेचे माजी उपाध्यक्ष धनंजय सावंत यांचा अपघात झाला आहे. त्यांच्या फॉर्च्युनर कारला भरधाव कंटेनरने जोरदार धडक दिल्याने हा अपघात झाला असून या अपघातात गाडीचे मोठे नुकसान झाले आहे. सुदैवाने कोणतीही जीवित हानी झाली नसल्याचे वृत्त आहे.
मिळालेल्या माहितीनुसार, काल मुंबई येथे धनंजय सावंत यांच्या पत्नीसह समर्थकांनी शिवसेनेची साथ सोडत भाजपमध्ये प्रवेश केला होता. भाजप प्रवेशाचा हा कार्यक्रम आटोपून परतत असताना भिगवणजवळ सोलापूर-पुणे महामार्गावर मध्यरात्री १ वाजताच्या दरम्यान, धनंजय सावंत यांच्या फॉर्च्युनर कारला भरधाव कंटेनरने जोरदार धडक दिली.
या भीषण धडकेत गाडीचा चक्काचूर झाला असून सुदैवाने या दुर्घटनेत कोणतीही जीवित हानी झालेली नाही. मात्र धनंजय सावंत यांचे पुत्र आणि चालक व सुरक्षारक्षक किरकोळ जखमी झाले आहेत.