- रणजीत माजगावकर
Kolhapur Ambabai Temple News : कोरोना काळापासून करवीर निवासिनी श्री अंबाबाईचे दर्शन भाविकांना गाभाऱ्यातून घेता येत नव्हते. केवळ मान्यवरांना देवीचे दर्शन गाभा-यातून दिले जात असे. दरम्यान आज पालकमंत्री दीपक केसरकर (kolhapur guardian minister deepak kesarkar) यांनी आज (साेमवार) आई अंबाबाईचं दर्शन सर्वांना गाभा-यातून देण्याची घाेषणा केली आहे. (Maharashtra News)
कोल्हापूरचे पालकमंत्री दीपक केसरकर हे आज कोल्हापूर जिल्हा दौऱ्यावर आले आहेत. आज सकाळी मंत्री दीपक केसरकर यांनी महालक्ष्मीचे दर्शन घेतले. यावेळी श्रीमंत छत्रपती शाहू महाराज (Shahu Maharaj Kolhapur), शिवसेनेचे खासदार संजय मंडलिक (mp sanjay mandlik) देखील महालक्ष्मी मंदिरात आले हाेते.
यावेळी माध्यमांशी बाेलताना केसरकर यांनी महालक्ष्मी भक्तांसाठी खुशखबर दिली. ते म्हणाले करवीर निवासिनी श्री अंबाबाई देवीचे दर्शन कोरोनामुळे भाविकांना पितळी उंबऱ्याच्या बाहेरूनच देण्यात येत होतं. उद्यापासून अंबाबाईचे दर्शन थेट गाभाऱ्यातून भक्तांना घेता येईल.
दरम्यान या घोषणेनंतर अंबाबाई भक्तांमध्ये आनंदाचे वातावरण पसरलेले आहे. अनेक महिला भाविकांनी साम टीव्हीशी बाेलताना या निर्णयाचे स्वागत केले.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.