Kolhapur News : अंबाबाईचं दर्शन घेतलं अन् मंदिरातून बाहेर पडताच भाविकाचा मृत्यू; नातेवाईकांनी प्रयत्नांची पराकाष्ठा केली पदरी दु:खच आलं

रणजीत माजगावकर

Kolhapur News : कोल्हापूरच्या अंबाबाई मंदिरातून दर्शन घेऊन बाहेर पडलेल्या भाविकाचा हृदयविकाराच्या झटक्याने मृत्यू झाल्याची घटना समोर आली आहे. आज पहाटे ही घटना घडली आहे. रामनाथ गबाजी जाधव ( वय 62 वर्ष) असं मृत भाविकांचं नाव आहे.

रामनाथ जाधव हे अहमदनगर येथील रहिवाशी होते. करवीर निवासिनी अंबाबाई देवीचे दर्शन घेण्यासाठी ते अहमदनगरहून त्यांचे कुटुंबीय आणि मित्र परिवारासोबत आले होते. पहाटे पाच वाजता अंबाबाई देवीचे दर्शन त्यांनी घेतलं. त्यानंतर मंदिरातून बाहेर पडताना अचानक त्यांच्या छातीत दुखू लागलं होते. (Kolhapur News)

नातेवाईकांनी स्थानिकांच्या मदतीने तातडीने त्यांना उपचारासाठी सीपीआर रुग्णालयात दाखल केलं होतं. मात्र उपचारादरम्यान त्यांचा मृत्यू झाला.

हृदयविकाराचा झटक्याने त्यांचा मृत्यू झाल्याची नोंद शवविच्छेदन अहवालात करण्यात आली आहे. जुना राजवाडा पोलीस ठाण्याचे पोलीस निरीक्षक सतीश कुमार गुरव यांनी याबाबत ही माहिती दिली आहे.