Sindhudurg : नवोदय विद्यालय विषबाधा घटनेची चाैकशी हाेणार, दाेषींवर कारवाईचे मंत्री केसरकरांचे निर्देश

- विनायक वंजारे

Sindhudurg News :

सावंतवाडी (sawantwadi) तालुक्यातील सांगेली येथील नवोदय विद्यालयास (navodaya vidyalaya sangeli) आज (शनिवार) शालेय शिक्षण मंत्री दिपक केसरकर (deepak kesarkar) यांनी भेट देत विद्यालय प्रशासनास कडक शब्दात सुनावले. विद्यालयाचा कारभार मनमानी पद्धतीने हाेणार असेल तर ताे चालू देणार नाही असे केसरकरांनी स्पष्ट केले. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

सावंतवाडी तालुक्यातील सांगेली येथील नवोदय विद्यालयात शिकणाऱ्या तब्बल 133 विद्यार्थ्यांना शुक्रवारी (ता. 8) अन्नातून विषबाधा झाली. विद्यार्थ्यांना उपचारार्थ सांगेली येथील प्राथमिक आरोग्य केंद्रात दाखल करण्यात आले. विद्यार्थ्यांची प्रकृती स्थिर असल्याची माहिती रुग्णालयातून देण्यात आली.

आज (शनिवार) शालेय शिक्षण मंत्री दिपक केसरकर यांनी जवाहर नवोदय विद्यालयास भेट देत, विद्यालयाची पाहणी केली. त्यांच्यासमवेत जिल्हाधिकारी उपस्थित होते. यावेळी मंत्री दिपक केसरकर यांनी प्राचार्यांची झाडा झडती घेतली. प्रशासनास देखील चांगलेच धारेवर धरले.

केसरकर म्हणाले अशा पद्धतीने तुम्ही मनमानी वागत असाल तर तुम्हांला तत्काळ निलंबित करणार. या घटनेचा चौकशी अहवाल घेवून तत्काळ दाेषींना निलंबित करण्याचे आदेश दिपक केसरकर यांनी जिल्हाधिकारी किशोर तावडे यांना दिले आहेत.

Edited By : Siddharth Latkar