Turmeric Price : हळद तेजीत, शेतकरी सुखावला; जाणून घ्या दर

- मनोज जयस्वाल

Washim :

वाशिम जिल्ह्यातील रिसोड बाजार समितीत (risod bazar samiti) आता हळदीला उत्तम दर मिळू लागला आहे. यामुळे शेतक-यांमध्ये चैतन्याचे वातावरण पसरले आहे. गेल्या काही दिवसांपासून घरामध्ये साठवून ठेवलेली हळद (turmeric) रिसाेड बाजार समितीत येऊ लागली आहे. हळद कांडीला सध्या 17 हजार 100 रुपये प्रतिक्विंल दर मिळू लागला आहे. याबराेबरच हळद गटूला 15 हजार रुपये प्रति क्विंटल दर आहे. (Maharashtra News)

रिसाेड बाजार समितीत यापूर्वी (२९ फेब्रुवारी) हळद कांडी १४ हजार ते १२ हजार ३०० रुपये तसेच हळद गटूला १३ हजार ते १२ हजार ३०० रुपये इतका दर मिळत हाेता. यामुळे शेतक-यांनी हळदीच्या दराची प्रतिक्षा केली हाेती.

आता रिसाेड बाजार समितीत ८५० क्विंटल पोत्याची आवक झाली. त्यामुळे ज्या शेतकऱ्यांकडे हळद शिल्लक हाेती त्यांना सुगीचे दिवस आल्याचे चित्र हाेते. सध्या हळदीच्या कांडीचा भाव 17 हजार रुपयांपर्यंत गेला आहे. यामुळे शेतक-यांना दिलासा मिळाला आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar