अहमदनगर जिल्ह्यात आज पासून कोरोना निर्बंध शिथिल

अहमदनगर : अहमदनगर जिल्ह्यात आज पासून कोरोनाचे निर्बंध शिथिल करण्यात आले आहेत. सकाळी 7 वाजल्यापासून ते सायंकाळी 10 वाजेपर्यंत सर्व आस्थापना, कार्यालय, हॉटेल सुरू ठेवणार असल्याचं पालकमंत्री हसन मुश्रीफ यांनी सांगितले आहे.

हे देखील पहा -

मात्र शाळा, मंदिर, मॉल आणि सिनेमागृह हे बंदच राहणार आहेत. कोरोनाच्या दुसऱ्या लाटेनंतर जिल्ह्यात कोरोना बाधित रुग्णांची संख्या वाढत असल्याने कडक निर्बंध लागू करण्यात आले होते. सायंकाळी 4 वाजेपर्यंतच आस्थापना सुरू ठेवण्याचे आदेश देण्यात आले होते.

दुकाने सुरू ठेवण्यासाठी व्यापाऱ्यांनी आणि हॉटेल चालकांनी काही दिवसांपूर्वी निवेदने देखील दिली होती. त्यातच राज्यातील कोरोना रुग्णांचा आकडा कमी होत असल्याने आता हे सर्व निर्बंध शिथिल करण्यात आले आहेत.

Edited By : Krushnarav sathe