Contractual Health Workers On Strike : वाशिम जिल्ह्याची आराेग्य यंत्रणा काेलमडली, ६२१ कर्मचा-यांचे कामबंद आंदाेलन

- मनोज जयस्वाल

Washim News : विविध मागण्यांच्या पुर्ततेसाठी वाशिम जिल्ह्यातील कंत्राटी पद्धतीने कामावर असलेले आराेग्य कर्मचा-यांनी बेमुदत कामबंद आंदाेलन पुकारले आहे. यामुळे आरोग्य विभागाचे कामकाज ठप्प झाले आहे. (Maharashtra News)

वाशिम जिल्हाधिकारी कार्यालयासमोर गेल्या दाेन दिवसांपासून कामबंद आंदोलन (aandolan) करुन ठिय्या मांडलेल्या आंदाेलकांनी साम टीव्हीशी बाेलताना शासन सेवेत समायोजन करणे, मानधनात वाढ करणे यासह अन्य मागण्यांकडे शासनाचे दुर्लक्ष हाेत असल्याचे म्हटले. शासनाचे वेधण्यासाठी कंत्राटी अधिकारी-कर्मचारी समायोजन कृती समितीच्या वतीने हे आंदाेलन छेडण्यात आल्याचे नमूद केले.

या आंदाेलनात वाशिम राष्ट्रीय आरोग्य अभियान अंतर्गत कंत्राटी नर्सेस, शहरी ग्रामीण एएनएम, जीएनएम, सीएनएम,प्रयोगशाळा तंत्रज्ञ औषध निर्माणाधिकारी असे एकूण वाशिम जिल्ह्यातील ६२१ सर्वच कंत्राटी, आरोग्य अधिकारी तसेच कर्मचारी सहभागी झाले आहेत. या आंदाेलनामुळे आरोग्य विभागाचे कामकाज प्रभावित झाल्याचे दिसून आले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar