'तुम्ही कधीपर्यंत गुंगी गुडिया बनून राहणार?' काँग्रेसनं उपमुख्यमंत्री सुनेत्रा पवारांना डिवचलं

ऐकलत, बीडमधील या पत्रकार परिषदेत पत्रकारानं बीडच्या कायदा सुव्यवस्थेवर बीडच्या पालकमंत्री आणि उपमुख्यमंत्री सुनेत्रा पवार यांना थेट प्रश्न विचारला. मात्र धनंजय मुंडेंनी हस्तक्षेप करत सुनेत्रा पवारांना उत्तर तर देऊ दिलेच नाही. मात्र पत्रकारालाही प्रश्न विचारण्यापासून रोखले. आणि नेमकं काय घडलं पुन्हा एकदा पाहूयात.

या घटनेवरून काँग्रेसनं थेट सुनेत्रा पवारांवर निशाणा साधलाय. काँग्रेसनं ट्विट करून सुनेत्रा पवारांचा गुंगी गुडिया म्हणून उल्लेख केला. विशेष म्हणजे नाव न घेता धनंजय मुंडेंनाही गुंड प्रवृत्तीचा नेता असल्याची टीका हर्षवर्धन सपकाळ यांनी केली. मात्र ते सोडून धनंजय मुंडेंनी सुनेत्रा पवारांबाबत काँग्रेसला द्वेष असल्याचा दावा करत मुळ मुद्दाला बगल दिली.

सपकाळ एवढ्यावरच थांबले नाहीत तर त्यांनी अजितदादांचा अपघात, राष्ट्रवादीकडून भाजपकडे गेलेलं अर्थखातं आणि इतर अनेक मुद्द्यांवर सुनेत्रा पवारांनी बाळगलेल्या मौनाचा मुद्याही अधोरेखित करत गुंगी गुडियाच्या उल्लेखाचं जोरदार समर्थन केलं. मात्र यामुळे राष्ट्रवादी काँग्रेसमध्ये संतापाची लाट पसली आणि राष्ट्रवादीच्या कार्यकर्त्यांनी थेट काँग्रेस कार्यालयात घुसून सपकाळ यांच्या पत्रकार परिषदेत धुडगूस घातला. सपकाळ आणि काँग्रेसच्या विरोधात जोरदार घोषणाबाजी करत माफीची मागणी केली.

गुंगी गुडिया या संकल्पनेचा जन्मच काँग्रेसमधून झालाय. समाजवादी नेते राम मनोहर लोहियांनी इंदिरा गांधीचा सुरूवातीच्या राजकीय कारकिर्दीत गुंगी गुडिया असा उल्लेख केला होता. मात्र इंदिरा गांधींनी त्यांच्या कर्तृत्वातून सर्व राजकीय विरोधकांना उत्तर दिलं. त्यामुळे सुनेत्रा पवारही त्यांचा कित्ता गिरवणार का? हा प्रश्न आहे. मात्र सर्वात महत्त्वाचं ज्या बीड जिल्ह्यातल्या कायदा सुव्यवस्थेवरून धनंजय मुंडेंना आपलं मंत्रिपद गमवावं लागलं त्यांच्या भरवशावर सुनेत्रा पवारांनी पत्रकार परिषदेत मौन बाळगणं कितपत योग्य आहे? याच पत्रकार परिषदेत अजितदादा असते आणि हाच प्रश्न विचारला असता तर धनंजय मुंडे याच अर्विभावात बोलू शकले असते का?