Satyajeet Tambe News: सत्यजीत तांबेना निकालाच्या महत्त्वाच्या दिवशी मोठा धक्का, जवळच्या व्यक्तीचं अपघाती निधन

पुणे : सत्यजीत तांबे यांच्यासाठी आजचा दिवस अत्यंत महत्त्वाची आहे. नाशिक पदवीधर मतदारसंघ निवडणुकीचा निकाल(Nashik Graduate Election Result) आज जाहीर होणार आहे. एकीकडे सत्यजीत तांबे यांच्या विजयाची खात्री दाखवत कार्यकर्ते जल्लोषाची तयारी करत आहेत. सत्यजीत तांबेंसाठी एक दुख:द बातमी समोर आली आहे.

सत्यजित तांबे यांचा कार्यकर्ता आणि नाशिक ग्रामीण युवक काँग्रेसचे जिल्हाध्यक्ष मानस पगार यांचे निधन झाले आहे आहे. आज पहाटे मानस पगार यांचे अपघाती निधन झाले आहे. अपघाताबाबत अद्याप सविस्तर माहिती उपलब्ध झालेली नाही. (Latest Marathi News)

सत्यजीत तांबे यांच्या बंडखोरीनंतरही मानस पगार त्यांच्यासोबत उभे होते. सत्यजीत तांबे यांच्या प्रचारातही ते दिसून आले होते. मात्र आपण काँग्रेसमध्ये आहोत आणि काँग्रेसमध्येच राहणार असं स्पष्टपणे मानस पगार यांनी सांगितलं होते.

मानस पगार यांच्या अपघाती निधनाची वार्ता कळताच अनेकांना दु:ख अनावर झाले आहे. अनेकांना सोशल मीडियाच्या माध्यमातून आपल्या भावना व्यक्त करत मानस यांना श्रद्धांजली वाहिली.