Congress Andolan : शेतक-यांच्या न्याय हक्कासाठी बुलढाणा जिल्ह्यात काॅंग्रेसचे अनाेखे आंदाेलन, सुताची माळ मुख्यमंत्र्यांना पाठविली भेट

Buldhana :

नैसर्गिक आपत्तीमुळे शेतीचे नुकसान झालेल्या शेतक-यांना तातडीने आर्थिक मदत द्यावी या व अन्य मागण्यांसाठी बुलढाणा जिल्ह्यात काँग्रेसच्या वतीने एक दिवसीय धरणे आंदोलन करण्यात आले. यावेळी आंदाेलकांनी चरख्याने सुताची माळ तयार करून मुख्यमंत्री एकनाथ शिंदे (cm eknath shinde) यांना भेट पाठविली. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

जळगाव जामोद व संग्रामपूर तालुक्यामध्ये 22 जुलै 2023 व 26/27 फेब्रुवारी 2024 रोजी ढगफुटी सदृश्य पाऊस व वादळी वाऱ्यासह गारपीट झाल्याने शेतकऱ्यांचे प्रचंड नुकसान झाले. त्याचे महसूल प्रशासनाने सदोष पंचनामे करून नुकसानग्रस्त पात्र शेतकऱ्यांना आर्थिक मदतीपासून वंचित ठेवले आहे.

याविरुद्ध आवाज उठविण्यासाठी व शेतकरी बांधवांना तात्काळ मदत मिळावी तसेच शेती कर्ज माफ करावे यासाठी तसेच शेतकऱ्यांना दिवसा आठ तास किंवा रात्री तरी नियमित विद्युत पुरवठा व्हावा याकरिता काँग्रेसच्या वतीने जळगाव जामोद येथे काँग्रेसच्या वतीने उपविभागीय अधिकारी कार्यालया समोर धरणे आंदोलन करण्यात आले. या आंदाेलनात माेठ्या संख्येेने शेतकरी सहभागी झाले हाेते. (Maharashtra News)

Edited By : Siddharth Latkar