कंटेनरच्या धडकेत महाविद्यालयीन तरुणी ठार; जुना पुणे नाका येथील घटना

सोलापूर: सोलापुरातील बाळे येथील राहत्या घरी जात असताना पाठीमागून आलेल्या कंटेनरने (container) दिलेल्या धडकेत चाकाखाली सापडून, महाविद्यालयीन (College) तरुणी जागीच ठार झाली आहे. वैष्णवी सरवदे असे ठार झालेल्या युवतीचे नाव आहे. ती संगमेश्वर महाविद्यालयात बी. एस्सीच्या तिसऱ्या वर्षात शिकत होती.

हे देखील पाहा-

कॉलेज सुटल्यानंतर ती आपल्या सर्व मैत्रिणींना (friends) उद्या पुन्हा येण्याचे आश्वासन देऊन घरी निघाली होती. मात्र, तिची ही भेट शेवटची ठरली. या प्रकरणी चालक अजरोद्दीन शेख याला अटक करण्यात आली असून त्याच्याविरुद्ध फौजदार चावडी पोलीस (Police) ठाण्यात गुन्हा दाखल झाला आहे.

वैष्णवी हिला आई, वडील आणि एक भाऊ असा परिवार आहे. आई- वडिलांनी मृतदेह पाहताच हंबरडा फोडला. या प्रकारामुळे उपस्थितांच्या डोळ्यात पाणी तरळले. या प्रकरणाचा अधिक तपास पोलीस करत आहेत.

Edited By- Digambar Jadhav