RTO Choice Number : हौसेला मोल नसतं ! चाॅईस नंबरसाठी माेजले सव्वा काेटी रुपये

आपल्या वाहनांसाठी आवडीचा नंबर आता ऑनलाईन देखील घेऊ शकता.
buldhana, rto, choice number
buldhana, rto, choice numbersaam tv

Buldhana RTO News : असं म्हणतात हौसेला मोल नसतं, तसंच काहीसं चित्र बुलढाणा (buldhana) जिल्ह्यामध्ये पाहायला मिळाल आहे. गेल्या वर्षभरात बुलढानेकरांनी आपल्या वाहनाला व्हीआयपी नंबर प्लेट (choice number) असावी या हौसेपायी तब्बल सव्वा कोटी रुपये आरटीओ विभागात भरलेत. अर्थात आरटीओ विभागाला यातून मोठा महसूल मिळाला आहे. मात्र यातून बुलढानेकरही हौस करायला कुठेही मागे पुढे पाहत नाहीत हे पुन्हा एकदा सिद्ध झाले आहे.

buldhana, rto, choice number
Parbhani News: रील बनवणं बेतले जीवावर, दाेन विद्यार्थ्यांचा मृत्यू; डाकू पिंपरी गावावर शाेककळा (व्हिडिओ पाहा)

बुलढाणा जिल्ह्यात गेल्या वर्षभरात तब्बल एक हजार 13 वाहनधारकांनी व्हीआयपी नंबरची मागणी केली आहे. त्यातील काही व्हीआयपी नंबर लाखाे रुपयांना दिले गेले. त्यामुळे आरटीओ (rto) विभागाला तब्बल एक कोटी 17 लाख 13 हजार रुपयांचा महसूल प्राप्त झाला आहे. (Maharashtra News)

नवीन वाहने (vehicle) घेणाऱ्यांची संख्याही काही कमी नाही. नवीन गाडी घेतल्यानंतर आपल्या गाडीला आकर्षक आणि आवडीचा नंबर असावा यासाठी बुलढाणेकर आग्रही असल्याचे पाहायला मिळते. अनेकांचा अजूनही शुभ अंकांवर विश्वास आहे. त्यातून आरटीओ विभागाने जाहीर केलेल्या व्हीआयपी नंबरला दुचाकी असेल तर पाच हजार रुपयांपासून पन्नास हजार रुपयांपर्यंत हे नंबर उपलब्ध आहेत. चार चाकी वाहनांसाठी पंधरा हजारांपासून दीड लाख रुपयांपर्यंत रक्कम एका नंबरसाठी आरटीओ विभागाकडून आकारली जाते.

buldhana, rto, choice number
Shamika Chipkar Sets World Record : लाटांशी टक्कर देत बारा वर्षीय शमिकाने अरबी समुद्रात नाेंदविला विश्वविक्रम

त्यामुळे नवीन गाडी घेणाऱ्या ग्राहकांना जर एखादा आवडीचा नंबर हवा असेल तर तो नंबर आरटीओच्या वेबसाईटवर सहजरीत्या ग्राहकांना शोधता येतो. तो नंबर जर आरटीओ विभागाकडून पसंतीच्या क्रमांकामध्ये असेल तर त्यासाठी आरटीओ विभाग किती रुपये आकारेल याची सुद्धा माहिती आरटीओ विभागाच्या वेबसाईटवर उपलब्ध आहे.

त्यामुळे आपल्या वाहनांसाठी आवडीचा नंबर मिळावा यासाठी प्रयत्न करणाऱ्यांसाठी आता ऑनलाईन सुविधा उपलब्ध आहे. अगदी सहज आणि पारदर्शकपणे कुणालाही नवीन गाडी घेताना आपल्या आवडीचा नंबर आपल्या वाहनासाठी घेता येईल अशी माहिती आरटीओ अर्चना घनवट यांनी दिली.

Edited By : Siddharth Latkar

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com