Shamika Chipkar Sets World Record : लाटांशी टक्कर देत बारा वर्षीय शमिकाने अरबी समुद्रात नाेंदविला विश्वविक्रम

लांब पल्याची जलतरणपटू म्हणून शमिकाची शहर व परिसरात ख्याती आहे.
Shamika Chipkar, Swimmer, World Record Book, Sindhudurg
Shamika Chipkar, Swimmer, World Record Book, Sindhudurgsaam tv

- विनायक वंजारे

Shamika Chipkar News : समुद्र म्हटले भल्या भल्यांच्या तोंडचे पाणी पळते. विशाल समुद्राशी मस्ती करू नये असे म्हणतात पण याच अरबी समुद्रात शिरून कुडाळच्या बारा वर्षीय मुलीने दहा तास 31 मिनिटे 11 सेकंदात ४० किलोमीटर हे अंतर यशस्वीरित्या पोहून वर्ल्ड रेकॉर्ड इंडियामध्ये स्थान पटकाविले आहे. तिच्या या यशाची नाेंद वर्ल्ड रेकॉर्ड इंडिया संस्थेने घेतली आहे.

Shamika Chipkar, Swimmer, World Record Book, Sindhudurg
Good News : डॉक्टरांना सॅल्यूट! ६व्या महिन्यांत बाळंतपण, बाळाचं वजन अवघं ५०० ग्रॅम; डॉक्टरांमुळं बाळ अन् आई ठणठणीत

शमिका चीपकर ही कुडाळ (Kudal) शहरातील लक्ष्मी बागेतील रहिवासी आहे. ती कुडाळ हायस्कूलमध्ये इयत्ता सहावीत आहे. लांब पल्याची जलतरणपटू म्हणून तिची शहर व परिसरात ख्याती आहे.

वयाच्या सहाव्या वर्षापासून तिने दीपक सावंत यांच्या मार्गदर्शनाखाली जलतरणाचे (Swimming) धडे गिरवले. सिंधुदुर्ग (Sindhudurg) जिल्ह्यातील निवती बीच येथील समुद्रात 40 किलोमीटर अंतर कमीत कमी वेळात म्हणजेच दहा तास 31 मिनिट 11 सेकंदात यशस्वीरित्या पूर्ण करण्याचा आगळा वेगळा विक्रम नुकताच तिने प्रस्थापित केला.

Shamika Chipkar, Swimmer, World Record Book, Sindhudurg
Nitesh Rane: ''उद्धव ठाकरे नामर्द''; परबांचे असं स्वागत करू की पुन्हा राणेंच्या घराकडं फिरकणार नाहीत : नितेश राणे

वर्ल्ड रेकॉर्ड ऑफ इंडियाचे विशेष प्रतिनिधी सुषमा नार्वेकर व संजय नार्वेकर हे समाजातील वैशिष्ट्यपूर्ण चमकदार कामगिरी करणाऱ्या व्यक्तींना व्यासपीठ देण्याचे काम करीत आहेत. तसेच सहकार्य ही करत आहेत. आत्तापर्यंत विविध कार्यक्षेत्रातील प्रत्येक स्तरावरील विशेष कामगिरी करणाऱ्या व्यक्तीरुपी हिऱ्यांना पैलू पाडण्याचं काम संस्थेच्या माध्यमातून करण्यात आले आहे.

सामाजिक क्षेत्रात दीर्घकाळ काम केलेल्या आणि राष्ट्रीय समाज रत्न पुरस्कार मिळवलेल्या सुषमा नार्वेकर यांनी केले आहे. शमिकाच्या रेकॉर्डची माहिती मिळताच त्यांनी त्याची तत्काळ दखल घेतली. कुडाळ हायस्कूलमध्ये मान्यवरांच्या उपस्थितीत व रेकॉर्ड ऑफ इंडियाचे विशेष प्रतिनिधी सुषमा नार्वेकर आणि संजय नार्वेकर यांनी शमिकाचा पदक, प्रमाणपत्र व सन्मानपत्र देऊन सन्मान केला. यावेळी उपस्थित विद्यार्थ्यांना शमिका हिने जलतरणाचे फायदे नमूद केले.

Edited By : Siddharth Latkar

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com