टाकळी (पंढरपूर) : महाराष्ट्रात (maharashtra) सत्तांतर झाल्यानंतर आज (रविवार) आषाढी एकादशी (Ashadhi Ekadashi) निमित्त मुख्यमंत्री एकनाथ शिंदे (CM Eknath Shinde) हे पंढरपूरात (Pandharpur) विठ्ठलाची पूजा अर्चा करण्यासाठी आले आहेत. ही पूजा संपन्न झाल्यानंतर मुख्यमंत्री शिंदे (Eknath Shinde) यांच्या गटाचा आज राज्यातील पहिला कार्यकर्त्यांचा मेळावा टाकळीत संपन्न होत आहे. या मेळाव्यात मुख्यमंत्री एकनाथ शिंदे हे कार्यकर्त्यांना मार्गदर्शन करणार आहेत. (eknath shinde latest marathi news)
पंढरपूर पासून जवळ असलेल्या टाकळी येथे आयाेजिलेल्या या मेळाव्यासाठी सोलापूर (Solapur) जिल्ह्यातून शिंदे गटाचे अनेक कार्यकर्ते व पदाधिकारी सहभागी झाले आहेत. त्यांच्यासोबत शिंदे गटाचे अनेक आमदार देखील उपस्थित राहणार आहेत. कार्यकर्त्यांच्या या मेळाव्यात मुख्यमंत्री एकनाथ शिंदे काय बाेलणार याकडे सर्वांचे लक्ष लागले आहे.
मुख्यमंत्री झाल्यानंतर एकनाथ शिंदे गटाचा महाराष्ट्रातील हा पहिला मेळावा असल्याने त्यांच्या गटाने देखील टाकळीत शक्तीप्रदर्शन केले आहे. अनेक कार्यकर्त्यांनी भगवे फेटे परिधान करुन मेळाव्यास उपस्थिती लावली आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.