Cm Eknath Shinde on Aditya Thackeray: आदित्य ठाकरेंच्या आरोपांवर मुख्यमंत्र्यांची रोखठोक प्रतिक्रिया, म्हणाले...

Cm Eknath Shinde Latest News: ठाकरे गटाचे नेते आदित्य ठाकरे यांनी मुख्यमंत्री एकनाथ शिंदे यांच्याबद्दल एक धक्कदायक विधान केलं होतं. ते म्हणाले होते की, सध्याचे मुख्यमंत्री मातोश्रीवर येऊन रडले होते. आपण भाजपसोबत जाऊया नाहीतर मला अटक होईल असे ते घरी येऊन म्हणाले होते. यावर आता मुख्यमंत्री शिंदे यांनी आपली पहिली प्रतिक्रिया दिली आहे.

काय म्हणाले मुख्यमंत्री?

आदित्य ठाकरे यांनी केलेल्या वक्तव्यावर मुख्यमंत्री शिंदे म्हणाले आहेत की, 'तो (आदित्य ठाकरे) अजून लहान आहे.'

याच दरम्यान मुख्यमंत्री शिंदे यांची तब्येत बरी नसल्याने त्यांचे आजचे अनेक कार्यक्रम रद्द करण्यात आले होते. याबाबत माध्यम प्रतिनिधींनी त्यांना विचारलं असता ते म्हणाले की, ''तब्यत एकदम ओके आहे.'' (Latest Marathi News)

आदित्य ठाकरेंच्या वक्तव्याला संजय राऊत यांनीही दिला होता दुजोरा

संजय राऊत यांनी आदित्य ठाकरे यांचा हा दावा खरा असल्याचे स्पष्ट केले आहे. एकनाथ शिंदे माझ्याकडेही आले होते आणि आघाडीतून बाहेर पडण्याची विनंती करत होते. मला अटकेची भीती वाटत आहे असं म्हणत होते, असा गौप्यस्फोट संजय राऊत यांनी केला.

तसेच एकनाथ शिंदे यांचं शरीर वाघाचं आणि काळीज उंदराचं आहे, अशी टीका संजय राऊत (Sanjay Raut) यांनी केली आहे.