Beed Accident News : मुकुंदराज घाटातील अपघातात अकरा वर्षाचा मुलगा ठार

Mukundraj Ghat : बीड जिल्ह्यातील मुकुंदराज घाटात ऊसतोड कामगारांचा टॅक्टरला अपघात (accident) झाला. या अपघातात एक अकरा वर्षाचा मुलाचा जागेवर मृत्यू झाला आहे. या अपघातामधील जखमींना (injured) रुग्णालयात उपचारार्थ दाखल करण्यात आला आहे. (Maharashtra News)

ऊसतोड कामगारांना घेऊन जाणाऱ्या टॅक्टरला मुकुंदराज घाटात अपघात झाला. ट्रॅक्टरचा रॉड तुटल्याने ट्रॉली पलटी झाली. या अपघातात एका कामगाराच्या 11 वर्षाच्या मुलाचा जागीच मृत्यु झाला आहे. या अपघातात दोघे गंभीर जखमी झाले आहेत. तसेच आठ ते दहा जणांना किरकोळ मार लागला आहे.

हा अपघात बीडच्या अंबाजोगाई शहरापासून दहा किलोमीटर अंतरावर असलेल्या येल्डा ते मुकुंदराज घाटाच्यामध्ये झाला आहे. रणजित अमोल कांबळे (येल्डा) असे अपघातात मृत्यू झालेल्या मुलाचे नाव आहे. दरम्यान अपघातग्रस्तांना सामाजिक कार्यकर्त्यांसह प्रशासनाने तात्काळ रुग्णालयात दाखल केले असून त्यांच्यावर स्वामी रामानंद तिर्थ रुग्णालयात उपचार सुरू आहेत.

Edited By : Siddharth Latkar