रामू ढाकणे, छत्रपती संभाजीनगर|ता.२७ एप्रिल २०२४
उपचाराअभावी रस्त्यावर प्रसूती झालेल्या नवजात अर्भकाचा मृत्यू झाल्याची धक्कादायक घटना छत्रपती संभाजीनगर जिल्ह्यात घडली. गंगापूर तालुक्यातील लासुर स्टेशनमध्ये या घटनेनंतर सर्वत्र संताप व्यक्त होत आहे.
याबाबत सविस्तर माहिती अशी की, छत्रपती संभाजी नगर जिल्ह्यातील गंगापूर तालुक्यामधील लासुर स्टेशन येथे एका आदिवासी महिलेची रुग्णवाहिका वेळेवर न आल्याने भर रस्त्यामध्येच प्रसूती झाली. मात्र उपचाराअभावी नवजात अर्भकाचा मृत्यू झाल्याची संतापजनक घटना घडली आहे.
प्राथमिक आरोग्य केंद्र डॉक्टर आणि कर्मचारी गैरहजर असल्याने बाळ दगावल्याची प्राथमिक माहिती आहे. सोबतच या महिलेला पुढील उपचारासाठी संभाजीनगरला हलवण्यात आल्यानंतर नातेवाईकांनी या नवजात अर्भकला झाडाला बांधून ठेवण्याची वेळ त्यांच्यावर आली. यातच बालकाचा मृत्यू झाला.
दरम्यान, या धक्कादायक घटनेनंतर सर्वत्र संताप व्यक्त केला जात आहे. तसेच गंगापूर तालुक्यातील आरोग्य यंत्रणेच्या बेरजबाबदारपणामुळेच कोणतीही सेवा मिळाली नाही शिवाय रुग्णवाहिका वेळेवर आली नसल्याचा आरोप नातेवाईकांकडून करण्यात येत आहे
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
