Truck-Container Accident: कंटेनर-आयशरची समोरासमोर धडक; वाहनांचा चक्काचूर, दोन्ही ट्रकमध्ये चालक चेपला

छत्रपती संभाजीनगर जिल्ह्यातील शेकटा–इसारवाडी महामार्गावर भीषण अपघात झालाय. महामार्गावर कंटेनर आणि आयशरची समोरासमोर धडक झाली. यात दोन्ही चालकांचा जागीच मृत्यू झालाय. शेकटा ते इसारवाडी मार्गावरील शिवपूर गावानजीक हा भीषण अपघात झाला. अपघात इतका भीषण होता की, दोन्ही वाहनांचे केबिन एकमेकांच्या आत अडकली होती. वाहनांसह चालकांचा देखील चुराडा झाला.

शेकटा–इसारवाडी महामार्गावर झालेला अपघात कशामुळे झाला? कोणाची चुकी होती याबाबत कोणतीच माहिती समोर आली नाहीये. दरम्यान दोन्ही वाहने ही अवजड वाहने असल्याने अपघातानंतर महामार्गावरील वाहतूक पूर्णतः ठप्प झाली होती. दुर्घटना घडल्यानंतर पोलीस घटनास्थळी पोहचले असून ते मृत चालकांची ओळख पटविण्याचे काम करत आहेत.