Chhatrapati Sambhajinagar: १० रुपयांचा वाद... पाणीपुरीवाल्याकडून दारुड्या तरुणाची निर्घृण हत्या; परिसरात खळबळ

नवनीत तापडिया, प्रतिनिधी...

Chhatrapati Sambhajinagar Crime: छत्रपती संभाजीनगरमधून एक धक्कादायक घटना समोर आली आहे. शहरातील पुंडलिक नगर भागात एका पाणीपुरी वाल्याने दारुड्या तरुणाचा खून केल्याची घटना उघडकीस आली आहे. या खूनाच्या हत्येने परिसरात एकच खळबळ उडाली आहे. (Crime News In Marathi)

काय आहे संपूर्ण प्रकरण?

याबाबत अधिक माहिती अशी की, छत्रपती संभाजीनगर शहरात पाणीपुरीवाल्याने एका दारुड्या तरुणाची डोके ठेचून हत्या केल्याची घटना घडली आहे. रोहीत चौधरी असे हत्या करणाऱ्या आरोपीचे नाव आहे.

शहरातील पुंडलिक नगर (Pundliknagar Area) भागात एका बार समोर या दोन तरुणांमध्ये अचानक वाद सुरू झाला. दहा रुपयांमध्ये दारू मिळते का? यावरून त्यांच्यात भांडण सुरू झाले. हा वाद इतका वाढत गेला की या भांडणाचे रूपांतर हारामारी झाले. (Crime News)

स्वतः हून पोलिस ठाण्यात हजर

या भांडणात आरोपी रोहितने जवळील गट्टू उचलून समोरील तरुणांच्या डोक्यात घाव घातले, ज्यामध्ये तरुणाचा जागीच मृत्यू झाला. विशेष म्हणजे हत्येनंतर आरोपी रोहित चौधरी स्वतः पोलिस स्टेशनमध्ये हजर झाला. या घटनेने परिसरात एकच खळबळ उडाली आहे. पोलिस याबाबत अधिक तपास करत आहेत. (Latest Marathi News)