Chhatrapati Sambhaji nagar : आईसोबत शेतात गेले पुन्हा परतलेच नाही; दोन भावांचा विहिरीत पडून मृत्यू

Chhatrapati Sambhaji nagar Latest News : छत्रपती संभाजीनगरमध्ये दोन भावांचा दुर्दैवी अंत झाला. दोन भावांचा विहिरीत पडून मृत्यू झाल्याची घटना समोर आली आहे. या घटनेने गावात शोककळा पसरली आहे.
आईसोबत शेतात गेले पुन्हा परतलेच नाही; दोन भावांचा विहिरीत पडून मृत्यू
Chhatrapati Sambhaji nagar : Saam tv
Published On

छत्रपती संभाजीनगर : छत्रपती संभाजीनगरमध्ये दुर्देवी घटना घडली आहे. छत्रपती संभाजीनगरमध्ये आईसोबत शेतात गेलेल्या दोन सख्खा भावांचा विहिरीत पडून मृत्यू झाल्याची दुर्दैवी घटना घडली आहे. छत्रपती संभाजीनगर जिल्ह्यातील पैठण तालुक्यातल्या रजापूर शिवारात ही घटना घडली. या घटनेने रजापुरात खळबळ उडाली आहे.

आईसोबत शेतात गेले पुन्हा परतलेच नाही; दोन भावांचा विहिरीत पडून मृत्यू
Nagar Manmad Highway Accident : योजनेचा लाभ घेण्याची इच्छा अधुरीच राहिली; तहसील कार्यालयाकडे जाताना वाहनाने उडवले, महिला जागीच ठार

नेमकं काय घडलं?

छत्रपती संभाजीनगरच्या आडूळ बुद्रुक येथील कृष्णा विठ्ठल फणसे यांची रजापूर शिवारात शेती आहे. त्यांच्या स्वतःच्या शेतात आज मंगळवारी कृष्णा फणसे यांची पत्नी वर्षा फणसे आणि त्यांची दोन मुले प्रणव आणि जय असे तिघे जण सकाळी गेले होते. वर्षा फणसे ही शेतातील सोंगलेल्या तुरीचे पेटे एकटी जमा करीत होती. तसेच त्यांची दोन्ही मुले बाजुला खेळत असताना वर्षा हिची नजर चुकवून दोघे कठडे नसलेल्या विहीरिकडे गेले. तेथे खेळत असताना त्यांचा तोल जाऊन ६ वर्षीय प्रणव आणि ९ वर्षीय जय या दोन्ही भावंडाचा पाण्यात बुडून मृत्यू झाला.

आईसोबत शेतात गेले पुन्हा परतलेच नाही; दोन भावांचा विहिरीत पडून मृत्यू
Sambhaji Nagar News : पोलीस उपायुक्तांच्या मुलाने स्वत:ला संपवलं; मन सुन्न करणाऱ्या घटनेनं संभाजीनगर हळहळलं

विहिरित पडलेल्या आवाजामुळे वर्षा विहिरीकडे पळत सुटली. तिने आरडाओरड केल्याने आजूबाजूच्या शेतातील नागरिकांनी घटनास्थळी तत्काळ धाव घेऊन पाचोड पोलीस ठाण्यात याची माहिती दिली. यानंतर ताबडतोब सहाय्यक पोलीस निरीक्षक शरदचंद्र रोडगे, बीट जमादार अफसर बागवान आणि रणजीत दुल्हत यांनी घटनास्थळी धाव घेऊन ग्रामस्थांच्या मदतीने प्रणव याचा मृतदेह विहिरीच्या बाहेर काढला. तसेच मोठा मुलगा जय याचा मृतदेह लवकर सापडत नसल्याने शेवटी दुपारी ३ वाजेच्या सुमारास अग्निशमन दलाच्या जवानांना पचारण करावे लागले.

आईसोबत शेतात गेले पुन्हा परतलेच नाही; दोन भावांचा विहिरीत पडून मृत्यू
Aurangabad: विहिरीत पडलेल्या वहिनीला वाचवताना दिराने जीव गमावला; सुट्टीवर आलेल्या जवानावर काळाचा घाला

इन्चार्ज विनायक कदम, फायरमन रितेश कसुरे, छगन सलामबाद,कमलेश सलामबाद,विशाल गरडे, रावसाहेब जाधव,रावसाहेब वाकळे,रामदास राऊत यांनी परिश्रम घेऊन विहिरीतील गाळात अडकलेले जयचे प्रेत बाहेर काढले. त्यानंतर प्राथमिक आरोग्य केंद्रात सायंकाळी दोघांचे शवविच्छेदन करून शोकाकुल वातावरणात अंत्यसंस्कार करण्यात आले. घटनास्थळी नागरिकांनी मोठी गर्दी केली होती. या घटनेची नोंद पाचोड पोलिस ठाण्यात झाली आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com