(अभिजीत सोनवणे, साम प्रतिनिधी)
नवी दिल्ली : महायुतीमधील नेते छगन भुजबळ नाराज असल्याची चर्चा सुरू झाल्यानंतर भाजपचे संकटमोचक गिरीश महाजन यांनी आज त्यांची भेट घेतली. दोन्ही नेत्यांमध्ये काही वेळ चर्चा झाल्यानंतर त्यांनी माध्यमांशी संवाद साधला यावेळी महाजन यांनी भुजबळ यांच्या नाराजी कारण सांगितलं.
महायुतीमधील अजित पवार गटात आलबेल नसून सुनिल तटकरे आणि छगन भुजबळ नाराज असल्याचा दावा शरद पवार गटाचे नेते जयंत पवार यांनी केला होता. छगन भुजबळ नाराज आहेत हे ऐकून असल्याचं जयंत पाटील म्हणाले होते. दरम्यान मुंबईत पंतप्रधान नरेंद्र मोदी यांचा रोड शोला उपमुख्यमंत्री अजित पवार यांनी दांडी मारली होती.त्यामुळे ते नाराज असल्याचं म्हटलं जात होतं,त्याचवेळी छगन भुजबळ नाराज असल्याची चर्चा सुरू झाली होती.
याच पार्श्वभूमीवर भाजपचे संकटमोचक गिरीश महाजन यांनी छगन भुजबळ यांची'भुजबळ फार्म'येथे भेट घेतली. त्यावेळी त्यांनी भुजबळ नाराज आहेत का नाहीत हे सांगितलंय. माझा आज वाढदिवस असल्याने भुजबळांची भेट आणि त्यांचे आशीर्वाद घेण्यासाठी आलो. प्रचाराला शेवटचे दोन दिवस बाकी राहिलेत. त्या पार्श्वभूमीवर भुजबळांची भेट घेतल्या महाजन यावेळी म्हणाले.
आता कुठली नाराजी. मोदींच्या सभेत भुजबळ साहेबांनी जोरदार भाषण केलं.त्यांच्या भाषणाचे सर्वांनी कौतुक केलं.मोदीजींनी कशासाठी पंतप्रधान करायचं आहे.हे त्यांनी सांगितलं, त्यामुळे भुजबळांच्या नाराजीच्या चर्चा निरर्थक असल्याचं महाजन म्हणालेत. सुनील तटकरे यांनी शरद पवार यांची भेट घेतल्यानंतर ते शरद पवार गटात येणार असल्याचा, दावा अनिल देशमुख यांनी केला होता.
यावर बोलताना गिरीश महाजन यांनी अनिल देशमुख यांना सुनील तटकरेंची चिंता तुम्ही करू नका,असा टोला मारला. देशमुख जेथे आहेत तेथे ते स्थावर आहेत का ? असा सवालही महाजन म्हणाले. तटकरे हे राष्ट्रवादी काँग्रेसचे प्रदेशाध्यक्ष आहेत, ते सर्व आमदारांना भेटतात, त्यांच्या भेटीगाठी घेत असतात. त्यामुळे त्यांच्या नाराजी प्रश्न येत नाही असं महाजन यावेळी म्हणाले.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.