Aurangabad News : औरंगाबादेत केमिकलचा भीषण स्फोट, घर कोसळले; एकाचा जागीच मृत्यू

नवनीत तापडिया

Aurangabad Latest News : औरंगाबादच्या हर्सूल परिसरातून एक धक्कादायक घटना समोर आली आहे. टँकर मागे घेतना त्यामधील केमीकल खाली पडून झालेल्या स्फोटामुळे एक तरुण मजुराचा जागीच मृत्यू झाला हे. ही घटना बुधवारी रात्रीच्या सुमारास घडली.

तर या घटनेत त्याचे आई-वडील आणि भाऊ जखमी झाले. जखमींना रुग्णालयात दखल करण्यात आले असून त्यांच्यावर उपचार सुरु आहे. रात्रीच्या सुमारास झालेल्या या घटनेने परिसरात खळबळ उडाली आहे.

पोलिसांकडून (Police) मिळालेल्या माहितीनुसार, औरंगाबाद (Aurangabad) येथील हर्सूल परिसरातील चेतनानगर येथील वीटभट्टीजवळ ही घटना घडली आहे. भावनेश पवार असे मृत तरुणाचे नाव आहे. तर नंदु पवार, चंदा पवार आणि योगेश पवार अशी जखमींची नावे आहेत. पवार कुटुंब मजुरीचं काम करायचे, ते कच्च्या घरात राहत होते. केमिकलच्या स्फोटामुळे या घराला जोरदार हादरा बसला आणि घर मजुरांच्या अंगावर कोसळले.

हर्सूल परिसरातल्या चेतनानगर येथे असलेल्या वीटभट्टीजवळ पवार कुटुंब वास्तव्यास आहे. बुधवारी रात्रीच्या सुमारास टँकर मागे घेत असताना त्यामधील केमीकल खाली पडले आणि त्याचा स्फोट झाला. या स्फोटाच्या हादराने घर कोसळलं. या घटनेत एका मजुराचा जागीच मृत्यू झाला आहे, तर तीन जण जखमी झाले आहेत.