चंद्रपुरात सामाजिक न्याय विभागाअंतर्गत येणाऱ्या अनुदानीत खाजगी जिजामाता निवासी आश्रमशाळेत विद्यार्थिनीच्या मृत्यूनंतर तणाव निर्माण झाला आहे. सहा दिवसांपासून या विद्यार्थिनीची प्रकृती बिघडल्याचे लपवणाऱ्या मुख्याध्यापकाला शिवसेना ठाकरे गटाच्या कार्यकर्त्यांनी रुग्णालय परिसरात चोप दिला आहे.
मूल तालुक्यातील सुशी दाबगाव येथे ही निवासी आश्रमशाळा आहे. अहेरी येथील मितल कोंडगुर्ले हिची प्रकृती खालावली असताना सहा दिवसांपासून पालकांना याची सूचनाच दिली नसल्याचे उघड झाले. अखेर रुग्णालयात तिचा मृत्यू झाल्यानंतर पालकांना माहिती दिल्यावर त्यांना धक्का बसला. रुग्णालयात दाखल असल्याचे व उपचार सुरू असल्याचा खोटा निरोप दिल्याने पालक भडकले. प्रकरणाची माहिती मिळताच शिवसेना ठाकरे गटाच्या कार्यकर्त्यांनी आश्रमशाळा व्यवस्थापनाला जाब विचारला. आश्रमशाळेची मान्यता तातडीने रद्द करण्याची मागणी करण्यात आली आहे.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
