Pandharpur Wari: राहुल गांधींना उशिरा सुचलेलं शहाणपण, आषाढी वारीवरून चंद्रकांत पाटील यांचा टोला

राहुल गांधी आषाढी वारीत चालणार असल्याची चर्चा आहे. त्यांना उशिरा सुचलेलं शहाणपण आहे, असा टोला मंत्री चंद्रकांत पाटील यांनी आज लगावला. आषाढी यात्रा तयारी पाहाणी करण्यासाठी आज चंद्रकांत पाटील पंढरपूरला आले होते. यावेळी त्यांनी गोपाळपूर रोडवरील पत्रा शेड येथील दर्शन रांगेतील भाविकांशी संवाद साधला. वारीतील सुविधांबाबत चर्चा आणि सुचना ऐकून घेतल्या. यावेळी माध्यमांशी बोलताना राहुल गांधीच्या वारीतील सहभागावर बोलताना मंत्री पाटील यांनी टिका केली.

ते म्हणाले, यंदाच्या आषाढी वारीसाठी राज्यभरातून 17 ते 18 लाख भाविकेतील असा अंदाज आहे. या दृष्टीने प्रशासनाने वारीची तयारी केली आहे. वारीमध्ये वारकऱ्यांना पाणी आरोग्य दिवाबत्ती आधी मूलभूत सोयी सुविधा पुरविण्यात आलेल्या आहेत.

यात्रेच्या पूर्वीची तयारी पाहणी करण्याची सूचना मुख्यमंत्री एकनाथ शिंदे यांनी दिली होती. त्यानुसार आज यात्रेच्या तयारीचा आढावा घेण्यात आला आहे. प्रशासनाने समाधानकारक तयारी केली आहे. यात्रा काळात वारकऱ्यांना कोणताही त्रास किंवा उणीव भासू दिली जाणार नसल्याचे यावेळी पाटील यांनी सांगितले.

राहुल गांधी आषाढी वारीमध्ये सहभागी होणार असल्याचे माध्यमातून माहिती मिळाली आहे विठुरायाचे दर्शन घेण्याचा सर्वांना अधिकार आहे वयोमानानुसार प्रत्येकाला धार्मिक क्षेत्राची ओढ लागते तशीच ओढ राहुल गांधीना देखील लागली आहे. त्यांना ते उशिरा सुचलेलं शहाणपण आहे असा टोलाही त्यांनी यावेळी बोलताना लगावला.