Satara Kass Road : यवतेश्वर घाटात घडली थरकाप उडवणारी घटना, पाेलिस तपास सुरु

Satara News :

सातारा शहरातून कास रस्त्याकडे (kass road) जाणा-या यवतेश्वर घाटात (yavateshwar ghat) एका चार चाकीचा अपघात झाला. या अपघातानंतर प्राप्त झालेल्या सीसीटीव्ही फुटेजनूसार पाेलिसांनी चालकावर वेगात वाहन चावल्या प्रकरणी सातारा तालुका पाेलिस ठाण्यात (satara police) गुन्हा दाखल केला आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

पाेलिसांकडून मिळालेल्या माहितीनूसार यवतेश्वर घाटातून कासकडून साता-याकडे एका चार चाकी भरधाव वेगानं निघाली हाेती. चालकाचा वाहनावरील ताबा सुटला आणि वाहन कडठ्यावर जाऊन आदळले. ही घटना परिसरातील सीसीटीव्हीत कैद झाली आहे. (Maharashtra News)

दरम्यान कठड्यावर वाहन आदळल्याने पुढचा मोठा अनर्थ टळला. वाहन चालक अपघातानंतर न थांबता निघून गेल्याने नेमकं या अपघातात कोण, किती जखमी झाले हे समजू शकले नाही. भरधाव वेगाने गाडी चालवल्या प्रकरणी चालकावर सातारा तालुका पोलीस ठाण्यात गुन्हा करण्यात आला आहे.

या घटनेचा व्हिडिओ समाज माध्यमात व्हायरल हाेत आहे. सध्या रस्ता सुरक्षा सप्ताह सुरु असल्याने अनेक जण एकमेकांना या अपघाताचा व्हिडिओ पाठवत गाडी हळू चालवा रे... असा सल्ला देताहेत.

Edited By : Siddharth Latkar