नातेवाईकाच्या अंत्यसंस्कारासाठी निघालेल्या कुटुंबाला मृत्यूनं गाठलं, दोघांचा जगीच मृत्यू, आठ जखमी

संतोष जोशी

नांदेड : नांदेड - हैद्राबाद महामार्गावर भीषण अपघात (Nanded Accident) झाल्याची धक्कादायक घटना आज घ़डली. नातेवाईकांच्या अंत्यसंस्कारासाठी निघालेल्या एका कुटुंबावर काळाने घाला घातला. हैद्राबाद महामार्गावरून जात असताना अचानक क्रुझर जिपचा टायर फुटल्याने हा भीषण अपघात झाला. या अपघातात (two people died) दोन जणांचा जागीच मृत्यू झाला आहे. तर आठ जण जखमी झाले आहेत. देगलूर तालुक्यातील देगाव येथील शेख कुटुंब नांदेड येथे जात असताना होत्याचं नव्हतं झालं. या अपघाताची माहिती मिळताच कुंटुर पोलीस आणि स्थानिक नागरिकांनी घटनास्थळी धाव घेतली. त्यानंतर जखमींना नांदेडच्या शासकीय रुग्णालयात उपचारासाठी दाखल करण्यात आले.

मिळालेल्या माहितीनुसार, देगलूर तालुक्यातील देगाव येथील शेख कुटुंब कारमधून नांदेड येथे नातेवाईकांच्या अंत्यसंस्कारासाठी जात होते. कृष्णूर एमआयडीसी जवळ कारचा टायर अचानक फुटल्याने कार रस्त्यावरून उलटली. जवळपास १५ प्रवासी या जिपमध्ये होते. हा भीषण अपघात आज दुपारी साडेचारच्या सुमारास नांदेड - हैदराबाद महामार्गावर झाला. या अपघातात एक महिलेसह एकाचा जागीच मृत्यू झाला. तर आठ जण जखमी झाले. जखमींना नांदेडच्या शासकीय रुग्णालयात उपचारासाठी दाखल करण्यात आले आहे.

Edited By - Naresh Shende