ठाकरे गट आणि शिंदे गटाचा राजकीय संघर्ष आणखीनच पेटला, दोन्ही गट आखतायेत नवे डावपेच

मुंबई : राज्यात सत्तांतर झाल्यापासून शिंदे-फडणवीस सरकार आणि विरोधकांमध्ये राजकीय संघर्ष सुरु आहे. मुख्यमंत्री एकनाथ शिंदे यांच्या अभूतपूर्व बंडाळीनंतर शिवसेनेच्या गोटात खळबळ उडाली. आमदार, खासदारांच्या फोडाफोडीच्या राजकारणामुळं ठाकरे गट आणि शिंदे गट यांच्यातील वादाची ठिणगी आणखीनच पेटली. गेल्या अनेक दशकांपासून शिवसेनेची पाळेमुळे रोवली गेली ती दादरच्या शिवसेना भवनमध्ये. असं असतानाही शिवसेनेनं मुंबईत मंत्रालय परिसरात 'शिवालय' हे दुसरं कार्यालय सुरु केलं आहे. तर दुसरीकडे मुंबईतील कुलाबा परिसरात शिंदे गटाकडून प्रति शिवालय उभारण्यात येणार आहे. भव्य दिव्य अशा या शिवालयामध्ये मोठ्या प्रमाणावर सोयी-सुवीधा असणार आहेत. काही दिवसांपूर्वी शिंदे गटाने प्रति शिवसेना भवन उभारणार असल्याची घोषणा केली होती.