Hemant Parakh News: खळबळजनक! सुप्रसिद्ध बांधकाम व्यवसायिक हेमंत पारख यांचे अपहरण; घटनेचा थरार CCTV कॅमेऱ्यात कैद

Nashik News:

नाशिकमधून एक खळबळजनक बातमी समोर आली आहे. शहरातील सुप्रसिद्ध बांधकाम व्यावसायिक तसेच गजरा ग्रुपचे चेअरमन हेमंत पारख यांचे त्यांच्याच राहत्या घरातून अपहरण करण्यात आले आहे. धक्कादायक घटना समोर असलेल्या सीसीटीव्ही कॅमेऱ्यात कैद झाली आहे. पोलीस याप्रकरणी अधिक तपास करतायत. (Latest Crime News)

मिळालेल्या अधिक माहितीनुसार, हेमंत पारख हे नाशिकच्या इंदिरानगर परिसरात राहतात. शनिवारी रात्री आपल्या घरी असताना अचानक त्यांच्या घरासमोर दुचाकी आणि चारचाकी आल्या. त्यातील व्यक्तींनीच त्यांचे अपहरण केल्याचे सीसीटीव्हीत दिसत आहे. सदर घटना रात्री ९.४० च्या सुमारास घडली आहे.

एवढ्या मोठ्या व्यवसायिकाचे त्याच्याच राहत्या घरातून अपहरण झाल्याने परिसरात एकच खळबळ उडालीये. घटनेचा तपास करण्यासाठी पोलीस सीसीटीमधील दृश्यांची मदत घेत आहेत. हेमंत हे नाशिकमधील फार मोठे आणि प्रसिद्ध व्यवसायिक आहेत. ते गजरा ग्रुपचे चेअरमन देखील आहेत.

त्यांचे अपहरण फक्त पैशांच्या हेतून करण्यात आले आहे का? की यामागे वेगळं काही कारण आहे. अशा सर्वच प्रश्नांची उकल पोलीस आपल्या तपासातून करतायत.