लाखो रुपयांचे बक्षिस जिंकण्यासाठी शेकडाे लाेक जमतात 'या' गावात

सातारा : राज्यात बैलगाडा शर्यतींवर बंदी असली तरी देखील सातारा जिल्ह्यातील मायणी परिसरात सध्या बैलगाडा शर्यतींचा अक्षरशः धुरळा उडत आहे. या शर्यतींवर बंदी असून सुद्धा शेकडो लोकांच्या उपस्थितीत या शर्यती पार पडत आहेत. यामध्ये लाखो रुपयांची उलाढाल होत असताना प्रशासन मात्र गांधारीच्या भुमिकेत वावरत आहे. (bullock-cart-race-mayani-maharashtra-sml80)

शेकडो लोकांच्या उस्थितीत हाेणा-या या बैलगाडा शर्यतींवर bullock cart race प्रशासनाकडून कोणतीच दखल का घेतली जात नाही असा प्रश्न ग्रामस्थांमध्ये पडला आहे.

एकीकडे सामान्य जनता लॉकडाउनचे नियम काटेकोरपणे पाळत असताना दुसरीकडे अशा शर्यतींच्या माध्यमातून शेकडो लोक एकत्र येऊन काेविड १९ च्या सर्व मार्गदर्शक तत्वांना तिलांजली देताहेत. प्रशासकीय नियम पायदळी तुडवत आहेत. विशेष म्हणजे मायणी पोलिस प्रशासनापासून अवघ्या चार ते पाच किलाे मीटक अंतरावर पार पडणाऱ्या या शर्यती हाेत असतात.

या शर्यतींत लाखाे रुपयांची उलाढाल हाेते असेही सांगितले जाते. प्रशासनाने मायणी परिसरात हाेणा-या बैलगाडी शर्यतींकडे दुर्लक्ष न करता तातडीने याेग्य ती कार्यवाही करावी अन्यथा काेविड १९ चा भागात प्रादुर्भाव वाढला तर नवल वाटून घेऊ नये असेही ग्रामस्थांचे म्हणणे आहे.

Edited By : Siddharth Latkar